خل فعل العمام وخل فعل الخوالي *** ندري إنك ولدهم والعلاقة وطيدة

الليالي مشاكلهـا عـراضٍ طوالـي
للنفوس الشقيّه والنفـوس السعيـده



غاره من يمين وغارهٍ مـن شمالـي
توهمك بالهدوء وعاصفتهـا شديـده



ياوجودي علي الراحه وياوجد حالـي
ليت مالـي مـع الشعّـار ولانشيـده



هبّ ياذالزمان اللـي غزانـي لحالـي
كل يوم على الهاتف يجينـي قصيـده



ذي معاتب حبيب وذي مشاريه غالـي
وذي تخفّض من السكّر وهذي تزيـده



والعرب علمهم بي يوم صدري شمالي
والليالي ما قفّت بـه لايمكـن تعيـده



روّحت مع مهـبّ الريـح ياهملالـي
ماحد(ن) جت له الدنيـا علـي مايريـده



والتجارب عطتنـا ميـزه الاحتمالـي
ودرّستنـا مشاويـر الحيـاه المفيـده



ان مابـه حيـاه الا وراهـا زوالـي
والبنـادم بهالدنيـا شبوحـه بعيـده



مير ماهيب لامكسـب ولاراس مالـي
كود من حط قولة والنّعم في رصيـده



وطاب عند البعيد وطاب عند الموالـي
وله نصيب الاسد من الخصال الحميده



وان تثنت عزوم مشوربيـن العيالـي
عزمه اعند من ظروف الحياه العنيده



يرتكـي بالمناكـب للحمـول الثقالـي
والظّـفر يطّبخ من راسـه الــيــا وريده



خلّ فعل العمام وخلّ فعـل الخوالـي
ندري انّك ولدهـم والعلاقـه وطيـده



وندري ان فعلهم يستر بنات الحلالـي
حتّى لو جدك اكحيلان وانتـه حفيـده



اما حث القدم واطلع علي راس عالي
والا خلك كذا وان مت ما انت بفقيده




شاعر العرب
سلطان الهاجري