ألا ياهل اللكزس

السلام عليكم جميعاً

أضع بين أيديكم هذه المتواضعه وأتمنى أن تنال على رضاكم ,,


علماً بأن حذفت منها أبيات لاتصلح للنشر .. والقصيده تتكلم عن نفسهاا وواقعهاا

ألا ياهل اللكزس عسى منتواكم خير=على وارد الساير جدادٍ توايرها

ليا خرجت من مركز السالمي عصير=ختم الجواز وكل الأوراق صدّرها

وركّب عليها لوحة المملكه تصدير=دفعنا ثمنها مانحسب خسايرها

أبا أوسّع الخاطر عليها وأغيض الغير=أغيض العواذل وأهل الحقد أبقهرها

إليّا كيّم العدّاد لكزوزها صفير=صفير ام خمس إليا تصالت ذخايرها

عليها غلامٍ منوته بعد خط السير=ينومس خويّه والمسافات خابرها

أنا ماعليّه من هل الطبل والتزمير=هل الزمره اللي طيبها في حناجرها

تجمّع على ماقيل عميان هو وصوير=يحسب المراجل في علومٍ يفسّرها

وهو يوم وقت المنفعه ماذكر بالخير=مغادر دياره تسعة أشهر وهاجرها

وانا لو بغيت اطوّل القاف والتعبير=تضيق الدفاتر والمعاني نسطرها

وهذي تعابيرٍ عسى المستمع بصير=يعرف الهدف والعلم في قلب شاعرها

وسـلآمتكم


قصيدة خالي
سعود النخيلان





أخوكم الصغير
عبــدالرحمــن علــي

ونعم فيك وفي خالك 0
قصيده رائعه حتى لو فقدت بعض مقوماتها لحذف بعض ابياتها 00ولكن الجميل يبقى جميل
بيض اله وجهك ووجه خالك 000 ولا عدمناكما 0

المشاركة الأصلية كتبت بواسطة عبدالله علي بركي

ونعم فيك وفي خالك 0
قصيده رائعه حتى لو فقدت بعض مقوماتها لحذف بعض ابياتها 00ولكن الجميل يبقى جميل
بيض اله وجهك ووجه خالك 000 ولا عدمناكما 0

مرحبا يابن علي

وردك أروع

ووجهك أبيض يالغالي

شاكر لك مرورك




أخوكم الصغير
عبــدالرحمــن علــي