فوق هام السحب ( الشعر الشعبي) على متن القوافي

‏اقبل وجعل الليالي على وجهك نذر
‏جيّتك عيد لحاله اذا الله ساقها

‏كنها أول عيد وأول لقى وأطيب عذر
‏وآخر أيام المساجين قبل اطلاقها

‏شوفتك ماعاد تبقي هموم و لا تذر
‏كان تقدر تشبك ايديك خلفي لاقها

‏خايفٍ يفضحني الشوق لو إني حذر
‏ما يبيّح سد الاحباب غير اشواقها .

‏عشت ياصوتٍ يعود الليل ذكراه وحنينه
‏قالو العالم نساك وقلت والله ما نساني

‏والله ان قلبه جريح والله ان نفسه حزينه
‏والله انه مثل ما اعاني من الفرقا يعاني

‏لو نسى وجه الفجر صبحً يصبر ساهرينه
‏مانسيتك ي اول احبك نطق فيها لساني

‏يارفيق الذات من باب الحديث الودّي
‏صاحبك همه يموت ولا تخيب ظنه

‏والله إنه من غلاك وكبر قدرك ودّي
‏انتخاوى فـ الحياة ونلتقي فـ الجنة

‏ضعيف النفس خان العهد ماقدر ظروفي
‏ولكن مايخون الا الذي نفسه ضعيفه

‏انا متوقع انه يغدر ولو قال يوفي
‏لذلك كانت الصدمه على نفسي خفيفه .

يابن الحلال ان طاب خاطرك منّا
قلي وانا ماني على الدرب عاقه

انتم على ماقد نويتو وحنا
اهل الشموخ اللي جويدٍ وثاقه

وان شفتنا في بعض الاحوال لنّا
تراه من باب الادب و اللباقه

حنا خفاف نفوس لاتحسب انّا
بيتٍ عموده مايقوم رواقه

من زان زناّ له ومن شان شنا
حتى يتوب من الجهل والحماقه

نرجح بكفة عصبته لا وزنّا
والموج نعرف غبته من زراقه

ماننخدع في قول كنا وكنا
ونشوم عن بعض العلوم الدقاقه

من صد عنا لو زعل ماشحنا
نعطيه في وجهه ونكسب فراقه

عاد انت هاك موثق العلم منّا
فحوى الكلام يبين لك من سياقه

قلنا بعد باسم العزيز استعنا
منّا الى من خان عهد الصداقه

اليا بدا لك هجرنا لاتونا
انس العلاقه وانس راع العلاقه


نجم الاسلمي

الصبر حكمه بس من يقنع الناس
دونه حياة الناس من دون قيمه

والعجله اللي حطتك بين الاضراس
منتوج راي اهل العقول السقيمه

من لا حسب للراي بالخُف ينداس
تقصر مطاميعه عن شداد ريمه

العرف لاهل العرف مبدا ونبراس
اللي مراجلهم تسوق الغنيمه

لا صارت ابواب المنازل مقافيل
والناس كل" في حلى النوم نايم

انهض وقم بالثلث الاخر من الليل
ان كان تبي المرجله والغنايم

ارصد لقل الحيل دامك معك حيل
العمر ماهو طول الايام دايم

يارب لاتكتب لنا الجهد ضايع
توفقنا بيديك والفعل منّا

ما غيرت فينا سلوم وطبايع
لو مايصير اللي نبي وانتمنا

يوم الاماني في يدينك ودايع
حنا رجانا فيك كله واملنّا

يارب لاضاقت علينا الوسايع
على ظروف الوقت يارب عنّا

مايلـم الشـمل .. غـير الطيبـين
ولايحل المشـكله غير الحـكيم

ولايفـرق دايـم .. الا حـاجتين
هوشة الجهال وهروج الحريم

أحب الرفيق . اللي تجي رفقته بإنصاح
اللي عن غلاي وزود قدري .يصارحني

نصوح ، صريح ، محزم ينذخر ، وسلاح
الى طبت يفرح لي والا اخطيت ينصحني