خفوق العنا من فوق جمر الوله محروق🌹

خفوق العنا من فوق جمر الوله محروق

خفوق العنا من فوق جمر الوله محروق
وكبدي بنار الشوق شبت حرايقها
من اسباب طفل يوم سلهم وطالع فوق
بنجل سهوم الموت بالجوف زارقها
عيون اشقر مرباه في عالي الشاهوق
الى شاهد الحذرات حول يلاحقها
جبينه شعاع الشمس يوم طلعت باشروق
او المزنة اللي بالدجى لاح بارقها
حورية بالكون ما مثلها مخلوق
هاوى القمر والشمس من فوق عاتقها
شعرها على الامتان لا فلته برفوق
تقل ذيل شقرا الاصايل تسابقها
عديم الوصايف لاتمشى بوسط السوق
جمبع البنات تقول سبحان خالقها
اسرني حبيبي بالتغنج وحسن الذوق
وروحي ترى سيد الغنادير بايقها
غزال يتل القلب بيده من المعلوق
حياة المتيم ياهل العرف شانقها
الا ياطبيب الحب ماتعالج المرهوق
من اللي غلاها مهجة القلب فالقها
اهيم بغرام الصاحب اللي زهاه الطوق
شهيد الهوى العذري وقسوة طرايقها
الشاعر /محمد فهد الجربوع العنزي