قرار فرقاك من اصعب قرارتي ! ! !

قرار فرقاك من اصعب قرارتي
لكن وصلني كلام حدني حدا
.
اللي حواليك زادوا في معاناتي
وسمعوني كلام يوجب الصدا
.
لذلك اودعك توديع الامواتِ
اللي عزلهم ظلام القبرواللحدا
.
وآخر طلب باطلبه يتضمن الآتي
ان كان باقي بقلبك لي بعـَـض ودا
.
تناسي اللي مضى في ذيك الاوقاتِ
وانسي غرام لسوء الحظ ما امتدا
.
وانا ولاشك بانسى كل مافاتِ
ولا كأني عشقت العين والخدا
.
وان صار في يوم سالت بعض دمعاتي
اوعدك ما ابين المكنون والسدا
.
واوعدك ماعاد انا اكتب لاجلك ابياتي
واوعدك ما اخلي بحقل الغلا وردا
.
واوعدك لاكتم بصدري كل وناتي
حتى ولو زاد هم البعد واشتدا
.
صحيح ذكراك الاجمل في رواياتي
صحيح كانت محبة رائعة جدا
.
لكن عزاي الامل في خير ماياتي
يمكن يزول الحزن والهم والوجدا
.
وعزاي لامن تذكرت البداياتِ
وحسيت نار بجوفي تحرق الكبدا
.

اني دريت انها شمس وفيّاتِ
وان القدر يهزم اللي قام يتحدى
.
كل البدايات تقفاها نهاياتِ
مير اسمعي كلمتي ياحلوة القدا
.
ابا اعترف لك وباصدق باعترافاتي
ومن قبل لاتسألي باكتب لك الردا
.
علاقتي فيك من اقوى علاقاتي
لكن ماعاد لي من قطعها بدا !