مقتطفات شعريه

يالله ياللي ما خشا غير خوف منك خوف
لا شريك له بملكه ولا يعبَد سواه

فيك تشخيص البصاير ولك مد الكفوف
يا كريم يكرمون الاكارم من عطاه

عالم اللي ما اعلمه.. شايف اللي ما نشوف
خافي سره و الاسرار ماهيب تخفاه

لا جفانا القِل واللي روابعهم ضعوف
جعل ربي ما يرينا غضبه ولا جفاه

لا انقفل باب من الرزق حراسه وقوف
فِتحَت بيبان الارزاق من كل اتجاه
(سعد بن جدلان)

كم مفرقٍ كل ما جيته تعديته
لا اشوف خطه ولا اقرا ويش لوحاته

يا كود مَفرق رقبة العطف لا جيته
يفرض علي التفاته والتنهاته

في حشمة اللي مصافيني وصافيته
من خلقتي ماحدٍ سوابي سواته

ما يسمح البال لين اقف على بيته
اضرم له ضرامة الزيدي على قاته
(سعد بن جلان)

ياهاي هاي ياكشخة الاكابر ياتُب التٌب
يالراحة.. يالاستجمام.. يالمستوى الراقي

معي حِر شوق وقو خرمة ولهفة حُب
عالج وحدةٍ منها واسامحك في الباقي

(سعد بن جدلان)


اشيل حتفي راضي فوق متني
واروح.. نفسي من حياتي معيفه

واقول للي بالجفا عذبتني
عسى الشقا من بيننا بالنصيفه

شربت من فيض الشقا واشبعتني
دنيا مع الاحزان ضدي حليفه
(السامر)