مساجله شعريه بين معيض الخثعمي ومحمد بن ظافر

••• مساجلة شعريه بين معيض بن ظافر الخثعمي ومحمد بن ظافر الشمراني
١٤٣٦/١١/٥هـ
___________
معيض ظافر الخثعمي :
سلام للصاحب اللي غابت أخباره .
لايتصل بي ولا ينشد عن احوالي .
لكن معذور والاجواد عذاره .
يمكن مع الوقت ضيع رقم جوالي .
•••
أبوسامي :
حي الله اللي تحريناه بزياره
وابطى وهو لانشد عنا ولاسالي
الظاهر الشيب عنده قل مقداره
والناس ماترخص الشايب وهو غالي
•••
أبوعمر :
الشايب أبعد وفي بيشه بنا داره
والوقت عزالله انه ماتهيا لي
ماردني لاصله ونصاه بدياره
إلا ظروف الحياه أو كثر الاشغالي
•••
أبوسامي :
عز الله انك من اللي يكسب الشاره
لولا ان بعض السوالف جمرها صالي
والشايب اللي تعرفه ماانطفت ناره
وده تزوره وتشرب معه فنجالِ
•••
ابوعمر :
الشايب اقدره واثمن أفكاره
واللي على خاطره يطري على بالي
شاعر ولا يبدع إلا بيوت مختاره
ترسل له البيت ويجاوبك طوالي
•••
أبوسامي :
الا على طاري الابداع وأشعاره
وش باقين من قصايد يالالالالي
شفتك تشن الحروب وتكسر الغاره
والسالفه سالفة طرقي وجمالي
•••
ابوعمر:
للشعر طاروق وتغني على او تاره
موالكم يختلف عن كل موالي
بنات فكرك ذهب ياثقل قنطاره
لكنك اخفيتها عن بعض الاجيالي
•••
ابوسامي :
بنات فكري مع الايام دواره
حديتها لين حدتني على الجالي
والشعر يوم انطفا نوره ونواره
شديت عن ديرته للصحصح الخالي
•••
ابوعمر :
ارجع لميدانك الأول ومشواره
الأول اول ولايرجع مع التالي
خلك كما العيس للاحمال صباره
تطوي مشاويرها وحمولها اثقالي
•••
أبوسامي :
النفس يابوعمر بالسو أماره
والشعر مامن وراه الا أشهب اللالي
وإمامتي للعرب في مسجد الحاره
أخير من شهرتن ماترضي الوالي
--------