ليل شتاء/ للشاعر سعيّد العمودي 🌈

ليل شتاء

وش فـيـك يـالـيل الـشتا تـمتحني
اتـعـبـتـني وانــــا بــلـيـاك ضــايـق
ذكــــراه لازالـــت بــراسـي تـغـنـي
لاتــحـسـبـنـي لاتــعــلـلـت رايـــــق
اربــع وعـشـر سـنـين وانــا مـكـنّي
واخـلـيت جـوي لـلوهم والـحقايق
تـغيب شـمس ويـخلف الليل ظني
وانــا عـلـي ســود الـسنين اتـهايق
ضـايع وصـيحات الـزمان اسدرني
ورجلي علي درب التعب والعوايق
مـاكـل مــن قــال الـقـصيد مـتهني
ولاكـل صـوتٍ يـرسل الـقاف فايق
بــعـض الـقـوافـي مـاتـهـيا لـجـنّـي
ثـلـجه يـولع فـي ضـلوعي حـرايق
والضيقه اللي وسط صدري تحني
انـكـرتـها لـــو يـنـشـدون الـخـلايق
تـبـحـر بــصـدري لـوتـحن وتـونـي
مــن شـانها شـرّعت كـل الـمضايق
وابــذكـر الـبـحار لــو غــاب عـنـي
وذكــرن بـلـيا شـكـر مـاهـو بـلايق
والا الـلـيـالـي لــوخـذن مـاعـطـني
الا الـشعور الـلي عـلى الـهم سـايق
ولـيل الـشتاء ليل التعب والتجني
انــادمـه لـوكـنـت مــنـه مـتـضايق
يـــدري بـهـمـي والـهـوى والـتـمني
كـنـه عـلى عـوج الـمحاديب وايـق
سعيّد العمودي