ان معك قدره تفك الطلسمي ( أبو حارث )

قصيدة موجهه للأخ سعيد عبدالله ( ابو ماجد )


يا إله وياسميع ويا عليم تعلمي
أطلبك باسمك واسمي وباسمك نبتدي

بالقدر مؤمن وراضي بحظي واقسمي
اطلبك في رحمتك يوم اصلي واسجدي

واشتكي لك ثم باشكي لكـفوً يفهمـي
لاشكيت ولادعيت ولاطلبته تاجدي

لأنه من عود تجمل وجعله يسلمي
صاب يوم أختار خالك قبل ماتولدي

اختصار لسيرته كل قاله يحتمي
بندقه ماوقعت بالثرى لسددي

يابوماجد لشكينا يلوم اللايمي
والقصايد مر تاجي ومرً تبعدي

لابدت وسعت صدري ورويت الظمي
واتسلى بالرواسي واغني واصعدي

وانظم الحكمة وللشعر شاعر ينظمي
ذا وصلكم نظمنا وش ترى يامسندي

ليلة لاني باصاحي ولاني بنايمي
شفت رويا خير فيما يشوف الراقدي

ليلة طالت عليه وليل مظلمي
ليلة لاعادها الله تهل وترعدي

شفت لي عذراء طويله وقبل تكلمي
قلت باارحب واسلم وعنها بنشدي

ماقدرت وجف ريقي وقمت أتمتمي
طارعقلي لعنبوها وقلبي وجهدي

وقربت تسحب ولدها وقالت ياآدمي
هذا من روحي وقلبي ومن دمك بدي

قلت خير وقالت الخير وينه ياعمي
اطرفت عيني وظمت بااصابعها يدي

قالت اسمع قلت سامع قالت ابني ونعمي
قلت ونعم خوف منها وربي يشهدي

قامت تتمنذل عليه بعين ومبسمي
وانا ماأحب النذاله ولاعلمي ردي

والمصيبه شفت أنا سعيد بيده يحزمي
ويتوكا بالعصايه وفي الدرب يعدي

وانا اعرفه مايحب الطريق المعتمي
واضح ماهو بهبدٍ هبود يهبدي

ذا بدا راعي لزوم يسد اللازمي
اللوازم يااجودي وش ترى يالأجودي

إن معك قدره وتقدر تفك الطلسمي
وإن صعب اللاش يفداك لو كان اولدي

محمدبن عبدالله ابوحارث

الله عليك يابوحارث وين هذا من زمان
صح لسانك وياليت القصيده موجهه لي كان فكيت الطلسم
بس بوماجد كفو ويقدر

لاتحرمنا من جديدك

قصيدة مبدعة ورهيبة

وبو حارث شاعر فحل

ونفتخر فية

وشكرا لنقلك الرائع التراثي

الاخ عاد ل بيض الله وجهك على نقل هذه القصيد للاخ العزيز الشاعرمحمد بوحارث

ونتمنى تزويد المنتدى بهذه القصايد الرائعه بلغ سلامي للصديق بوحارث

وتقبل خالص الشكر والتقدير

صح لسان الشاعر بوحارث
وتسلم ياناقل القصيده

صح لسان الشاعر بوحارث

وتسلم على النقل

لاهنت