الــخــطـــوط الــكــويــتــيــه

الخطوط الكويتيه

اعدد خطى رجلي وماشي برجليه
0123456789
وصلت آخر السكه ووقفت بالدانه

+++++++++++++++++++++

أبشر لها الموتر عسى ماه دوريه
ابي تكس حالا حالتي حيل عجلانه

تروح المطار الحين روحه بها جيه ؟
بروح الكويت شوي وارجع علـ شانه

وصلت المطار وحامل ازهور ورديه
هدية بعد قلبي به الروح علقانه

ياخوي انتظرني ساعة(ن) وارجع اشويه
وتكفى تراني عجل والنفس ظميانه

++++++++++++++++++++++++

على متن رحلة صفر سبعه ( 07 ) جنوبيه
يحييكم الكبتن تراحيب بلسانه

نبي نقلع من الحين صوب الصباحيه
نغادر وطن غالي و ناصله ل اوطانه

وطرنا على متن الخطوط السعوديه
واشوف البلد يزهى بنوره وعمرانه

سبرنا و حلقنا على مزن نجديه
مع هالغيوم ارعود و يدن دنانه

متى نوصل الجهرا ونهبط لقمريه ؟
ديار الحبيب وداعج العين ... ريانه

ديار(ن) بها قلبي وتسكنه حوريه
حرام(ن) علي انه مثل طلع رمانه

بها من حمار الورد في خد تركيه
وعود(ن) عليه القلب هايج بطوفانه

مع هالسفر صارت زهوري رماديه ؟؟؟؟
انا كيف ابهديها زهوري ؟؟؟ ... وذبلانه

+++++++++++++++++++++++++++

وصلنا ولا شفته ... عمى الوجد عينيه
واثاري من الفرحه ... ادوره باحضانه

+++++++++++++++++++++++++

رجعنا على متن الخطوط الكويتيه
نودع ( غلا ) والقلب زادت به احزانه

++++++++++++++++++++++++

رجعنا لتكسينا على وقت عصريه
بقي ينتظرني كل ذا الوقت ... باثمانه

رجعنا لسايقنا بحالات نفسيه
ونذكر ( غلا ) ونعود للحي واسكانه

++++++++++++++++++++++++

وعودت اعدد كم مشيت ابخطاويه
0123456789
اعد الخطا من يوم حركت لـ انـسـانـه

+++++++++++++++++++++++

و فجئه وانا اسمع صوت(ن) يقول ... قم ... ليه
اثاري عيوني كانت .... ابحلم ... نعسانه

فديت الحبايب كلهم و الهواويه
وهـذي عـلـومـي كـلـهـا حـلـم ... بـ فــلانـه ؟؟

ابواجوااان