الحلقه الثانيه (((المفاجئه)))... مذكراتي

بسم الله الرحمن الرحيم

اتكلمنا في الحلقه اللي راحت من >>> مذكراتي عن ((نايف)) وقصته مع المطوع((انس)) وكيف انه اعطاه(بلك)

((((السفر الى كندا))))

في نفس الاسبوع اللي ((نايف)) حط للمطوع ((انس)) بلك .... كان ((نايف)) يجهز نفسه في الكليه عشان يسحب سنه

ليه؟؟ يسحب سنه من الكليه؟؟

عشان مسافر ((كندا)) ياخذ لغه .. بيني وبينكم القسم اللي يدرس فيه ((صيدله)) ولازم يكون فهلوي بالأنجليزي

يعني لغه اي كلام ماينفع .. المهم

بعد اسبوع بالتمام كان (( نايف)) يجهز نفسه للسفر .. يعني ملابس جديده ومستلزمات السفر من ادويه وجزم الله يعزكم

وجاكيتات وحتى اكل كمان .... تعرفون هناك مافيه ...>>امي ابي كنافه هههههههه

فيه همبرغر الين مايصير وجهك دائري خخخخخ

المهم

رجع (( نايف )) من السوق في الليل ومعاه اكياسه وجالس يقيس ملابسه... وبعد ما غلق ...قال : خلني افتح ماسنجري

واشوف مين فيه .... وفعلا فتح الماسنجر ولكن مالقي اي احد متصل .....غير وحده رساله (؟؟؟؟)


((( الرساله)))

السلام عليكم ورحمة الله وبركاته

كيفك يا نايف؟؟

انشاله تكون بخير؟؟

انا انس وحبيت اسلم عليك واقولك لا تقطعنا ترانا اتعودنا على بعض ... من جد انت عودتني في ال6 شهور هذه

اني ادخل والقاك ... عسا ماشر .......اتمنى انك تعطيني اخبارك يا نايف... ترا من جد محتاجلك في هذه اليومين

والسلام ختام

قال((نايف)) يا ولد وش فيني على هذا الموطوع خلني معاه يمكن الله يهديني على يده خلني ارد له برساله

وفعلا رد (( نايف)) برساله لـ((انس)) يقوله انه كان مشغول اليومين اللي راحت ... لا وكمان فك عنه (البلك)

واول مافك عنه البلك دخل انس وجلس يلوم ((نايف)) على غيبته ... وجلسو يسولفون مع بعض الين الصبح

(((((( المفاجئه)))))))

بعد ثلاث ايام من فتح((البلك)) عن (انس) وكان بالضبط يوم ثلاثاء

وثاني يوم عند(( نايف)) اختبار ((ENGLISH)) قابل (( انس )) على الماسنجر وقاله : انا اختي عندها مشكله

وبما اننا نعتبر كأننا اخوان ودي تساعدني في حلها
قال ((نايف)): اتكلم يارجال سرك كبير

قال ((انس)): اختي عندها العاطفيه زايده شويه

قال ((نايف))ووجهه احمر زي الطماطم: الله يعينها >>> يبي يشرد من الموضوع

قال (( انس)): اي احد يكلمها كلام حلو او يسمع لها ويخلي اذنه صاغيه لها تعتبره واحد مكان ثقه وانا كمان يا((نايف))

ما اخبي عليك صرت زيها

طبعا نايف صار فوق راسه علامة تعجب كبيره وقال في قلبه : وش ذا الولد ؟ من اي كوكب جاي؟

كيف يكلمني كذا عن اهله؟؟

المهم سالفه ورا سالفه ..... اذن الفجر ... وطبعا كالعاده قال ((انس)) قوم صلي يا((نايف)) وبعدين نتقابل

قال(نايف) : والله ودي لكن عندي اختبار وراح اراجع بعد الصلاه

قال (( انس)) : ايــــــــــش؟ اختبار؟؟ ليه ماقلت من بدري؟؟ حرااااام عليك انا مره (((آسفه)))

((نايف)) : ((((((اسف)))))) ولا ((((((اسفه))))))) >>> بيني وبينكم مشيت على نايف انها غلطه مطبعيه

قال (( انس)) طيب متى ترجع من الأختبار؟؟؟ لازم تطمني عليكوعلى اختبارك

قال ((نايف)) لا تخاف تراه انجليزي وانا شاطر في الانجليزي وتراني كنت اذاكر وانا اكلمك>>> نايف يقدر يذاكر وهو يتفرج مباراة الاتحاد هههههههه

قال (( انس)) : طيب ادخل على الماسنجر لمن ترجع لازم تطمني>> مسكين ((انس)) شايل هم ((نايف)) وحاس انه
لو ماعرف يحل بالأختبار انه هو السبب

قال ((نايف)) : انشاء الله .... لكن والله ما اعرف متى راح ارجع وانت نام ياعمي وفي الليل يصير خير اذا تقابلنا

قال (( انس)) : والله ما انام الين ما تطمني على اختبارك

قال ((نايف)) : اليوم ربوع يعني اكيد فيه غدا مع الشباب بره بعد الأختبار واكيد راح اتاخر ... لكن خذ رقمي

او اعطيني رقمك وانا انشاء الله راح اطمنك لمن اخرج......... >>>> لطمة كف ماشيه مليون هههههه

سكت ((انس)) لمدة دقيقتين يفكر فيها وقال : لا انت اعطيني رقمك وانا راح ارسل لك رساله واتطمن على اختبارك

قال ((نايف)) : اوكى خذ الرقم ******05570 ههههههه

((انس)) باي

((نايف)) باي

راح نايف الأختبار والحمدلله كالعاده حل كويس لكن انه نسي انس وراح عن باله وماشغل جواله غير الساعه 12

الظهر يعني بعد الأختبار بثلاث ساعات .... واول ما فتح الجوال لقي رساله من انس ويقول له بشر وش سويت في الاختبار؟؟

رجع نايف يبي يرسل رساله لأنس اتذكر انه اعطاه الرقم اللي ((استقبال)) يعني في سكرات الموت باقي كم يوم

وينفصل ههههه ومسك جواله وقال خلني اتصل عليه من جوالي الثاني طيط طوط طاط طيط طوط طيط طاط

طيط طاط طوط هههههههه هذا الصوت وهو يتصل

طيـــــــــــــــط طيييييييييييط

((نايف)) : الو

((جوال انس)) : الو

ولكن مو انس المطوع ..... كان احلى واعذب وارق صوت مر على اذن نايف


نكمل الحلقه الجايه ((((( احــــــــــبـــــــــك يا نايف))))

نشوفكم على خير وياريت يكون عدد المشاركات بعدد المشاهدات

((قصة نايف وعذبة الشفايف))

اللهم كما تفرقنا خوف معصيتك... فأجمعنا في الآخرة في جنتك