ترى الكلمه اللي كنها شعلة الدافور

ترى الكلمه اللي كنها شعلة الدافور
على الكبد عميان البصاير تولّعها

تولع على كبدك لونك حكيم شعور
ويبرد لهبها إن لقت من يسنعها

ليا جات من طيب لقتنا وساع صدور
وبالعقل نازنها وبالصبر ندفعها

عساني ليا عدّيتها بالصبر ماجور
وعساها ليااقفت مايجيني مرجعها

اجامل وآعدّيها ولاني بها مجبور
ولاكل مرّه تنتعدّا ونبلعها

اداري على الرفقه مابي فالرفيق اقصور
ولا اطرد ورا زلّة رفيقي ولااتبعها

والى جات مثبوره ومن واحدن مثبور
تحمى وجاك بحاجتن ماتوقعها

تخلي حكيم الراي لو هو حليم يثور
ولاعاد تقدر يامرّقع ترّقعها

ترا هذي اللي مالها عندنا دستور
وهذي ترا بيت القصيده ومطلعها

لقيت العلاج اللي مايدري به الدكتور
يازين السعه مادام ربي موسعها

وترا اعمى البصيره منت وياه داخل سور
وللغانمين ابوابها الله مشرعها

تخيّر وتلقى لك رفيقٍ وفي شبور
ضروس الهموم اللي بقلبك يخلعها

ضحوك الحجاج ودايم خاطره مسرور
طبوعه طبيعيه ماهوب متصنعها

ماهوب متكبّر ومتغطرس ولامغرور
ونفسه عظيم شانها من تواضعها

لياقال قال عن النبي قوله الماثور
ونفسه على سنّة نبيه مطوّعها

وترا أعمى البصيره مايشاور ولاله شور
تاخير العرب بسباب تدريج ضلعها

عميان البصاير لو تبيها تشوف النور
ترا مايسد اعيونها غير اصابعها

احدث من الواقع واقدم من الميسور
ولكن من يرضي الاوادم ويقنعها


الشاعر / علي بن صامل العازمي ....

بارك الله فييك اخي الكريم

اخي الحمدان
شكرا لك على هذا التواجد الفعال
والمشاركات النافعه والمفيده
بارك الله فيك

أخي الغالي أبو تركي
شكرا لك لمرورك وتعقيبك
مع أطيب التحايا والتقدير

أخي الغالي بكر علي
شكرا لك لمرورك وتعقيبك
مع أطيب التحايا والتقدير