أحسن دواء للي يحاول يستفزك تحقره !!!

من يفتح لفرقاي باب أفك له عشرين باب
............................ و إذا خويي ما يقدر خوتي ما أقدره

الشاعر الكبير المبدع حــــــامد زيــــد





http://www.6rbwow.com/media/listen/6rbwow_20281.ram



.. الجمهرهـ..

إي بالله أخطوا والخطا الي جابهم عين الصواب
مبطي وأنا أشوف الطمع يكشف رادهم واستره

مايملي عين الحسود بهالزمن غير التراب
ومن لايتوب من الخطا تحرم عليه المعذره

اللي من أولها خراب أكيد تاليها خراب
والبندق الي ماتثور في هدفها تذعره

ودّك ليا من جاتك الغلطه من الناس القراب
الصاحب اللي ما كسبت محبته ما تخسره

مشكلتي إني ماعرفت أحسب لصدتهم حساب
قلطتهم صدري على ذكرى قصيد وحنجره

صوت يصول بمنبره واخطاب ما مثله خطاب
والطيبه اللي زعزعت صوت الخطيب ومنبره

مافيه دمعٍ صوبوه أحبابي بوجهي وخاب
ولازرق حزني على غالي ولافج انحره

كل الزهاب اللي معي ذكرى من أصحاب الزهاب
واللي بقالي من عذاب أشرس طريقي وأخطره

لأني تجنبت الغرق..عديت من فوق السحاب
لأن أكثر أصحابي ورق..ماشفت للطيبه إثمره

والله ماحطيت بين الحقد والخوة حجاب
حتى غدوا ربعي يحدوني على الضيق أشكره

البارحة ثارت علي رقاب وآوتني ارقاب
البارحة ياثقل دم البارح ويــامـــحقـــره

أثر المصايب ماتجيك الا من الناس القراب
وبهالزمن حتى الخوي الي تثق فيه احذره

أهب ياوجه الحسد وشلون جمَّعهم وغاب
كيف السنين الي عطتني بعثرتهم بعثره

لابارك الله في رفيق تزعله كلمة عتاب
ولاجمع الله الرجال اللي تفرقهم مره

الصاحب اللي مايجي من صحبته غير العذاب
نذر علي ان ماهجرني وإلا انا اللي بـ أهجره

من يفتح لفرقاي باب أفك له عشرين باب
وإذا خويي مايقدر خوّتي ما أقدره

عوّدت نفسي كل ماشددت لليمّه ركاب
ما أصد وجهي عن طموح إلا ليا جبت خبره

إن روّحوا فأنا بريٍ منهم ليوم الحساب
وإن جرحوا قولوا لهم ماحركوا فيَّ اشعره

شفهم لهم حول السنه ولاخذوا مني جواب
أحسن دوا للي يحاول يستفزك تحقره

ماكنت احاتيهم صغيرّ..عاد احاتيهم شباب
الصاحب اللي ما اذخره لليوم الأسود ما اذخره

شفني جمعت أوراقهم بكتاب وأغلقت الكتاب
ياوقت لم اللي تلمه وانثر اللي تنثره

اللي يخاف من الظما يترك لنا طرد السراب
واللي ماهو بقد الظلام ووحشته لايسهره

عقب اكتئاب البارحة ماعاد أنا حمل إكتئاب
الطيب جرجرني وأنا ماني ناقص جرجره

أنا تجرعت الظما لين احترق وجهي وذاب
أنا كسرت بخاطري قبل الصداقه تكسره

أنا خسرت اللي غيابه غير عن كل الغياب
أنا غفرت لعالمٍ ماتستحق الـمـغـفــره

أنا أكثر (انسانٍ) تعلم من كثر ما أخطأ واصاب
أنا آخر (لسان) يتكلم في زمن الـثـرثـره

أنا القصيد اللي فزع من دفتره مليون ناب
وأنا الوحيد اللي جمع مليون ناب بدفتره

جفني وجرّحْه السهر،حيلي وهدّته الصعاب
دمعي هدر،ضحكي ندر،عمري وضيعت أكثره

شيبّت بعقول العرب..هيبّت روس ماتهاب
جمهرت ناسٍ عمرهم مايعرفون الجمهره

ماصرت ذيب إلا لأن اللي تحدوني ذياب
ماكنت أغيب إلا لأن العفو عند المقدره

ترى حلاتك لاحملت لصاحبك كلمه عتاب
أنا مانطقت بها بوجهه ماتذمه بظهره

في هالزمن مايملي عيون الحسود الا التراب
والا الحظيظ..الطلقه اللي ماتصيبه تذعره

ودّك اليامن جاتك الغلطه من الناس القراب
الصاحب اللي ماكسبت محبته ماتخسره ...!!




تقبلو تحيتي

نووونيّّ

يعطيك العافية

الشاعر حامد زيد من أفضل الشعراء وقصيدته هذه جميلة وبدون موسيقى

ننتظر جديدك

أخوك بلقاسم ال عدول

المشاركة الأصلية كتبت بواسطة المهندس/ بلقاسم ال عدول

يعطيك العافية

الشاعر حامد زيد من أفضل الشعراء وقصيدته هذه جميلة وبدون موسيقى

ننتظر جديدك

أخوك بلقاسم ال عدول

يسلمو ع المرور

........................

	يعطيك العافيـــه ع القصيدة الجميلة لا تحرمنا من جديدك تحياتي و احترامي ولد صعيدا

تسلم هاليمين الي جابت هالموضوع الرائع

تحياتي

دانــــــــــــــــــــــــــه

الصاحب اللي مايجي من صحبته غير العذاب
نذر علي ان ماهجرني وإلا انا اللي بـ أهجره

من يفتح لفرقاي باب أفك له عشرين باب
وإذا خويي مايقدر خوّتي ما أقدره


نوني

تسلم اخوي على القصيده للشاعر الكبير حامد زيد تقبل مروري

دانه اشكرك على مرورك الاروع

الفيصل

تسلم يدك على مرورك الجميل

ولد صعيدا

اشكرك على المرور

نــــــــونــــــــي تشكورااااااتوووووووو على النقل الحلو قصيد رائعه لاهنت