من ابداعات بندر بن سرور

يالله ياجال الامور المهمـــه
تجلا وهـــــج قلب برا حال راعيـه

البر دجته والبحر رحت يمـــــــه
يقطعك ياحظ على الله مساعيـــــه

يوم ان ولد اللاش رزقه على امه
رزقي على اللي ميت القشع يحييـه

يامل قلب كل ما مات همــه
دارت دواليب الدهر لين تحييـه

فراق شمل الناس عيا يلمـــــــه
وقت يشيب الـراس من شاية فيه

احد ينام وحاط راسه بكمه
واحـــد تخم النوم عيـــنه وتخطيه

واحدٍ يحاول بالردى بنت عمـه
واحدٍ يحاول ستر عذرى عوانــــيــه

ماني وانا بندر ببياع دمــــــه
يقطعك يابيــــاع دمــــه ومهفيــــــه

اللي يبيع لابسات الازمــــــــه
ثور يــبا بيض الرعــــابيب تغنيـــــــه

يزعل ليا جت ليلة الدور يمـه
يرضى بسوق المال فخوه وفابيـــه

خطو البخيل اللي يكبر معمــه
يقرا الكتاب وواجب الله يخليك

إما هرج لك في رفيقه بنمــه
والا عطا وامه تـيع هقاويه

أنشدك ياللي كل فرض تتمـه
تقرا الكتاب وكل فـــرض تصليـــــــه

ويش القليب اللي غميق مجمـه
مافاد غرسه ماه وعطشى سوانيــه

تخالف الانظار شرق ويمــــــه
وكل هدف رآيه من الناس مرضه

سم السبب ياعارف عنه سمعه
سم السبب ياعارفه قبل اسميخه