لاتكثر جيتي يا نظر عيني

01-30-2024, 08:41 PM

لا تكاثر جـيّــتي .. يا نظر عيني
الله اللي جــابني لك، وعنّاني

ماشيٍ دربٍ مشوه المحــبيــني
بالــــمودة .. راجحٍ لك بمــيزاني

أحسب انّك.. مثل ما اغليك تغليني
ما دريت انّك.. عدوٍّ، وقوماني

واثر لك.. يا متلف الروح قلبـيني
قلب يبغـضـني، و قلب يتمنّاني

كم هنوفٍ عند اهـلهــا.. تمانـيني
دزّت الــــمرسول.. كلّه على شاني

تحـسـب ان الله قطـوعٍ يخـــليني
ربّي المعـــبود.. ما عاد ينسـاني

وتحسب انك يوم قفّيت..كاويني
يوم تچفي الحوض.. في وجه ظمياني

سـّيد الخفرات .. ماتوفي الديـني
خـنـتـني .. من غيـــر حق و برهـاني

الجفـا من بينـنا.. موقــفه شــيني
من فعــل خـير .. يجزى بالاحـــساني

خوفي الله لا تصــيريـن لاثــنيني
صفـّـي الــنية، و صــيري لوحــداني

يا حـبيـبي .. إسقـني ..لا تخليني
لو امــوت من الظـما محدٍ .. اسقاني

سالم الحربي