الخواطر والقصص والروايات يهتم بالخواطر والقصص والنثر التي من نزف الأعضاء |
|
أدوات الموضوع | إبحث في الموضوع | انواع عرض الموضوع |
09-30-2009, 05:43 PM | #1 |
مشرفه سابقه
|
ماهمني الا راتبي ذا الشهر طار
مانـي متابع للسيـاسة والأخبــار ولا همـني أوباما ولافوز ماكـــيـن ولا همني وش قال حسني وبشار وما همني لو زادوا الهند والصين وما همني لو سوق الأموال منهار وماهمني لو كان خسروا ملايـين ماهمني الا راتبي ذا الشهر طــار كله صرفته يوم خمسة وعشرين بعثرت مدخولي على يمين ويسـار وقعدت وعيالـي نصفّـق بـكفــين 1300 عـلـى طـــول فــ إيــجــــار و400 مصروف جوال في زين و 1150 في شــركـــة إعـــمــار قرض ٍ أخذته وشفطـوه الشياطين و1100 تجديد وأتعـاب سـمــسار عندي استمارة مطوفة حول عامين و400 فــاتــورة المــاء والأنـوار حـتـى ولـو كـنّـا للأنــوار مـطـفـيـن وأمــا 800 بـســوي بها الــكــار سـيارة ٍ جـربـا ثــلاث وثــمـانـيــن لا شـمـة الراتـب يجـيها كـما الزار تنـفض مكيـنتها كما نـفض بوكليـــن وام العيال تـصـيح يا زوجي البار هذا الشهر عندي في القصر عرسين احتاج انا فستان من عشرة امتـار وأفصـله يا فـالح الـراي بـألفــــيـــن وأخر مئة بتروح في جيب كومار الحارس الهندي عسى فـاله الشـيـن ويقـول ما تـكفـيـه للفـلفـل الحــار زعلان يبغى فوقها زود خـمســـيــن وزادت معانـاتـي مع زود الأسـعار أصبح مثل ما قيل طاق ٍ بطاقـيــــن أزمة مسـويها مــداهن وتــجـــــار وراحوا ضحيتها الضعوف المساكين منـحاش من نـار ٍ وطـبيـت في نار ويا ويل حـظ اللي وقــع بيـن نـاريـن وإن الجمل صابر على الضيم صبّار وان طاح تكثر في جنوبه سكاكـين أبديت ما في الصدر من هم واسرار بأقولها واخلي الخافي يــبـيــــن يا شيوخنا لا لا تغضون الأبصار صار المواطن يشكي العسر والدين وانتم به ادرى ياطويلين الأعمار بالله عليكم شوفوا الوضع بالعين جتني ع الايميل وراقت لي كثيرا فحبيت تقرونها معاي |
09-30-2009, 07:05 PM | #2 |
مشرفه عامه
|
رد: ماهمني الا راتبي ذا الشهر طار
الله يعين وبس >> رهيبه
مشكوره اختي عذرا .. ويكفي انها منك.. |
10-04-2009, 07:28 PM | #3 |
مشرفه سابقه
|
رد: ماهمني الا راتبي ذا الشهر طار
تسلمين يالغلا على مرورك الكريم
حماك الله.. |
|
|
المواضيع المتشابهه | ||||
الموضوع | كاتب الموضوع | المنتدى | الردود | آخر مشاركة |
السهر | الحمدان | المنقولات الأدبية | 8 | 06-21-2019 01:45 AM |
ماهمني الا رفعت الراس بافعال | الحمدان | المنقولات الأدبية | 8 | 06-21-2019 01:44 AM |
ماهمني ... | بحر النديم | بـوح الـقـصيد للشعراء الأعضاء | 11 | 02-23-2012 03:05 PM |
اضرار السهر | ام ليان | الطب والحياة | 7 | 06-03-2010 02:17 PM |
ماهمني .... فرقاك .... | بحرالعلوم | الخواطر والقصص والروايات | 2 | 01-03-2008 04:48 AM |