ارب قلبك مثل قلبي اربة

قصيدة بنج فالوريد


ليه المسـا عـوق الشقـاوي وطبّـه
وليه الهبوب تصحي القلـب لا بـات

وليه القمر يدعـي جريـح المحبّـه
ويقول له يا هيه..ما فات ..ما مـات

جرحك ظهر لو قلـت للوجـه خبّـه
وللحزن في ضحكك رسوم وعلامات

وليه المطر بالذات ريحـه.. وصبّـه
كنّه رسول بيـن الاحبـاب بالـذات

اشتـاق فيـه لشوفـتـك واتنـبّـه
للي نسيته مـن مواقـف ونظـرات

لا استانس الخافق ذكر مـن يحبّـه
ورجع يراجع فالوناسات مـا فـات

يا مرتـع القلـب الحزيـن ومربّـه
يزيين بك مثل الذهب صدر الابيـات

هيهات ينسى القلب شخـص ٍ لعبّـه
وهيات يدله خاطري منـك هيهـات

سبك مديـح ومـدح غيـرك مسبّـه
تقول واذني صوتها تقول لـك هـات

ونبع الغلا عنـدك وعنـدي مصبّـه
ومن الولا .. في خافقي لك ..ولاياات

وطيفك حطب عيني..وعيني مشبّـه
والشوق برد ٍ ما انقطع لو للحظـات

ومكانك الصدر ولـك القلـب شبّـه
بين الظلوع اللـي فردهـا التنهـات

ولك بيـرق ٍ فالقلـب حبـك يهبّـه
شامخ ولا هزه من العـذل غـارات

محبتـك فالوقـت ذا مــا تشـبّـه
الا بخيمـة بـدو بيـن العـمـارات

ان شفتني ضايق واهوجـس واسبّـه
اخاف غدر الوقت.. والوقت دورات

لا تحسب ان دمعي نزل دون سبّـه
ابكي من الفرقا وهي مابعـد جـات

الـيـوم كــل امورنا..مستتـبّـه
وبكره ماندري وش معه من مسرّات

اربّ قلبـك مثـل قلـبـي اربّــه
ما يخلفه شور العـرب والمسافـات

للشاعر الداهية والفحل
محمد بن فطيس المري

تحياتي وان شاء الله تستمتعوا بهذه العملاقة

الله اكبر .........

كم اعشق هذا الشاعر الكبييير

محمد بن فطيس .... لله درك يارجل

السهل الممتع ..... هذه طريقته في الابيات

اشكرك اخوي دماوي حيل على نقل هذه القصيده الممتعه....

صح الله لسان بن فطيس
ومشكور على الاختيار الجميل
تقديري لك

صح لسان الشاعر
وسلم بنانك على روعة اختيارك..

اشتـاق فيـه لشوفـتـك واتنـبّـه
للي نسيته مـن مواقـف ونظـرات

لا استانس الخافق ذكر مـن يحبّـه
ورجع يراجع فالوناسات مـا فـات

يا مرتـع القلـب الحزيـن ومربّـه
يزيين بك مثل الذهب صدر الابيـات
................

الله وأكبر عليك يابن فطيس ,,, هزت مشاعري هذه القصيده ..

شكراً لأخونا الشاعر دماوي حيل ..
مايجيب الا الطيبه دايم ..

صح لسان الشاعر الرائع بن فطيس
وشكرا لك اخي دماوي على روعة اختيارك ورفعة ذوقك

رائعة وجميله لأبن فطيس كعادته
لاهنت اخي دماوي على مانقلته لنا من إبداع

تقديري لك