السوالف والكِبْر

السوالف والكِبْر

السوالف تخاطف قام كلٍّ يورِّد سالفـــــــــــــه = والاوادم نفخها الكِبْر لين اختفن منها الضعاف

كل واحد خرَق قاع الثرى والبسيطة بخْفِفــــه = مثل سمحان لا حاف الحوايل وسنَّدها الهِيـــــاف

عادن إجمال وانت إتعال نابش حداها وإحذفـه = حتى راعي العصابه يالله إنْه إيتخارج لا يــــلاف

والبنايق نبلها الزور كنْها محدَّش وهْطِفــــــه = والخشوم إنبصر شكمانها لين فجَّرها اللّخـــــاف

ارنبة كل خشم إتنوش محجر عيونه لِحْفِفــــه = حتَّى ما عاد يبصر قبله إلاَّ السما كِبْر وانــــــاف

يوم كلٍّ فقعْه الامن والخير واكله وتْرفــــــــــه = كل كلبة بحلق انسان تنبح ويلحقها النخـــــــاف

تلثغ الهرج بالوان وتشاكيل من دون إكْلِفـــــه = حيتةٍ في جحُرْها لا إغدرت محتماها باللفــــــاف

تضحك وخلف نابيها البلا والمنايا واقفــــــــه = سهل تمريرها مثل الكوَر فالملاعب بإحتــــــراف

المشجَّع يصيح إلْها ولو ما تحقَّق بإهدفــــــــه = يا ادمي خف من الله ما يخوِّف ترى من لا يخاف

إعرف إن الخبر ديوان كل الخلايق تعرفــــــــه = لا تزوِّر على الناس الحقايق وتاليتك تشـــــــاف

العرب ما تلاس إعْقولها بالعسل لو تغْرفـــــــه = العرب ناس واقوام وقبايل وحلفان وقيـــــــــاف

رزَّن اعلامها زمان يوم السيوف المرهفــــــــه = يوم لكْد الأصايل والنشاما على إحْماها وقــــاف

يوم صدق النوى فالقول والفعل والشيمة صفه = تسبق السيف قبل إيسَلّ وتقوده إليا جا زحـــاف

كل شي ترَّخوه الناس محدٍ يطيق إيحرّفـــــــــه = إلاَّ من يقلب الماسه ويسحب برجليه اللّحــــاف

فإن تاتي معاه إعداه قبل اصدقاه إتحالفــــــــــه = لأن وضح النقا مقبول ومحيّ بَه فأيَّة مقــــــاف

بعض الاشخاص فيهم كيد مثل الحريم إيلقّفـــه = باللّسان إيحَكي ويلوط اذانه ويا شين اللقــــاف

ما درى إنَّه لسانه هبرةٍ ما لها إلا خشرفــــــــه = والنضَر ماء فمن بحَّر يهوِّن لا ياتيه الخــــلاف

خاف تقلب عيونه ثم لسانه تطول وتكْتفـــــــه = وألاَّ تقطع وتشوا لين من كل زاد إيده تعـــــــاف

البعير الغَبَر نبغى نشدِّد علاه ونكْرفـــــــــــــــه = لا يخلاَّ شرود إيهابد ويخْرِب ابيار وقِفـــــــــاف

إيهَجَر أو يرَبَّط أو يجَنَّب ويلعن إجْدفـــــــــــــه = وينذبح فالخلا مع شكْلته من ملاعين الجــــداف

28/6/1431هـ

اخي دماوي حيل لله يدرك وجعل لسانك ينقط عسل بهذهـ القصيده الذي حاولت اقتبس بعض الابيات ولم استطيع لان كل حرف افضل من الاخر

ماشاء الله تبارك الله عليك فن حبك رقي ابداع صح لسانك وبيض الله وجهك وجمل الله حالك

لك تحيه فواحه بدهن العود الازرق تصلك اين ماكنت دمت بصحه وعافيه

صح لسانك يابوهديل

كلمات جميله لا تخرج الا من شاعر لهُ صولات و جولات في مجال الشعر

صح لسانك اخي بن منجيه و الى الامام دوماً

ودي //

هلا وغلا بك اخي محمد مزهر

وصح بدنك وانا خوك

ويشرفني ان تكون اول المشاركين في متصفحتي

فلا هنت ولا هان من جابك

دمت سالما ومعافا

اخي علي الساهري


صح بدنك ولا هنت على حضورك الاجمل


دمت سالما ومعافا

اخي ولد صعيدا

صح بدنك

والله لا يهينك على تشريفك

وبيض الله وجهك

دمت سالما ومعافا

قصيده مميزه بمفرداتها الرائعه لا يجيدها الا بن منجيه
فصح لسانك ياشاعرنا المميز

كما عوتنا اخي العزيز ابو هديل

لا فض الله فاك
قصيدة جميلة جداً