منتديات قبائل شمران الرسمية


ديوان الشاعر إبراهيم بن طهيفان الشمراني للكملة معنى ..وهنا تجدون المعنى

إضافة رد

 
أدوات الموضوع إبحث في الموضوع انواع عرض الموضوع

قديم 03-28-2007, 04:07 PM   #1
 

سعوي حتى الموت is on a distinguished road
افتراضي شمـران ربـعـي مكرمـيـن العـانـي

شمـران ربـعـي مكرمـيـن العـانـي

للشاعر ابراهيم طهيفان الشمراني



يـارب تغفـر لـي وتصلـح شانـي
وأنـك تقوينـي علـى عدوانـي


وتقـر عينـي بالـهـدى والتـقـوى
واجعل عباداتـي تزيـد ايمانـي


وتمدنـي بالعمـر لأجـل اطيـعـك
في كل امر ٍ يقتضي الاحسانـي


يارب مالـي غيـر وجهـك ملجـاء
ماني من اللـي يتبـع الاوثانـي


عبدك وازيـدك حمـد يـا سبحانـك
سبحان خلاّق البشـر والجانـي


خلقتنـا مـن طيـن وادري ايـضـا
الطيـن هـذا مرجـع الانسانـي


مـن طيـن لكـن الطبايـع تـفـرق
كل ٍ وطبعه في رحى الميدانـي


رجل ٍ قليل العـرف عقلـه سـارح
ومن شين حظه .. جاهل وشراني


يزاحـم أهـل الشـور وليتـه يفلـح
مغرور ما يقنـع يكـون الثانـي


( رب أمراء ٍ يعـرف مزايـا نفسـه
وأن الحماقه تخلـف الميزانـي )


ورجـل ٍ طمـوح ونظرتـه للعالـي
صغير سـن ويرهـق الشيبانـي


يازين منطوقـه ومـا أحـلا هرجـه
لامن حكا يسمع لـه السلطانـي


هـذاك مثلـه مـا يـبـدّل شــوره
وتشوف من خالف حكاه يهانـي


ورجّـال مـن بخلـه تقطّـع ثوبـه
ياجعل مال البخل فـي نقصانـي


الحـزن كنّـه فـي كـلام عيـالـه
يعزف موسيقى صاغها الرحباني


يجمع ويحـرم نفسـه مـن النعمـه
ويموت .. ماكان بحياتـه هانـي


ورجـل ٍ يـدور للعشـا مـا يلقـى
فقير عـاش بهالزمـان الجانـي


وساعة يشوف الضيـف يهنـا بالـه
يفرش له الديوان فرش ايرانـي


لو يرهن عيونه .. يسـوق الواجـب
من دون وجهه ينحـر القعدانـي


يـارب والخاطـر تعكّـر صـفـوه
والبال ضايق والحـزن ينصانـي


مـن حاجـة ٍ اشوفهـا واعرفـهـا
واخلف خطاها وليتهـا تجفانـي


قامت تعارك فـي الخفـوق وتسبـي
اجمل سنيني واعـذب الازمانـي


الزلـه اللـي مـن رفيقـي تجـرح
تبقى على مـر الدهـر عنوانـي


عديـتـهـا متـعـمـد ٍ لـكـنّـي
من وين اعـدّي دامهـا تبغانـي


الدهـر يحفـظ للجمايـل ذكــرى
والذكر باقي وانت عمرك فانـي


قـدّم جـزال الفعـل تلقـى تـالـي
لاشان حظ الغير ..حظك زانـي


ولا تبتسم لـي وانـت قلبـك شايـل
وساعة اقفـي بالحكـي تبلانـي


تجهـل وانـا باعلمـك يـا جـاهـل
محسوبـك ابراهيـم الشمرانـي


مـن لابـة ٍ افخـر بهـا واعـلّـي
شمران ربعي مكرميـن العانـي


تهـم وسـراه وحدنـا فـي بيـشـه
صيت ٍ يجي للقاصـي و للدانـي


الصوت في ( باشوت ) يرعب دولـه
من قرن ابن ساهر لأبن حوفانـي


و( السبت ) درع ٍ في الليالي العسره
يحمي سهول ٍ خيرهـا منصانـي


وان جيت لـ( ال الحارثيه ) وقّّـف
وسط ( البشاير ) مقعد الشجعاني


ولا جيت ( ابن شايع ) فسلّم واقلـط
عند ( آل عامر ) تسعد الضيفاني


و( شقيق ) سيف ٍ يقطع ايد السابـي
واهل ( الفزع ) حماية الحدانـي


وصلب ( العوامر ) صلب فخر وعزه
وتلقى بـ( قنونه ) علّية السلطاني


وعيـال عمـي (خثعـم) المعروفـه
ولانيب ناسي قالة ( العليانـي )


بقعاء الامـن غطرفـت واصطاحـت
ياتي لصوت الجبخـان الحانـي


ومـن لا معـه بنـدق يدبـر عمـره
خضر النوافع تنحـر السمحانـي


ومـن زم روحـه مشفـق ٍ للعيشـه
يا جعل روحه بالهـلاك تعانـي


يا سامعي وافطـن هـروج الشاعـر
ماني بأحقّـر قيمـة الصدقانـي


في كل ديره مجـد .. تذكـر وقعـه
ومن لا مدح ربعه ضعيف و داني


ومـن زوّر التاريـخ جعلـه يتلـف
للسيف غمد وللرجـال اوطانـي


تـمـت بحـمـد الله وبتفضـيـلـه
ودي اقول الحين ( صح لساني )


بس البلا من قـول ( مـادح عمـره)
وينشب بحلقـي واحـد ٍ يغثانـي


بأختـم بذكـر العـالـي المتكـبـر
يارب بين النـاس ترفـع شانـي



سعوي حتى الموت غير متواجد حالياً   رد مع اقتباس
قديم 03-28-2007, 04:29 PM   #2
المؤسس الأول وصاحب الفكرة
 
الصورة الرمزية عايض الشمراني
 

عايض الشمراني is on a distinguished road
افتراضي

صح الله لسانك اخي الكريم وبيض الله وجهك وجمل الله حالك
قصيده في غايه الروعه والجمال ابدعت فيها ومن واجب كل
شخص ان يفخر ويمدح قبيلته وانت وفيت وكفيت بهذه القصيده
الشامله الوافيه الكافيه
تعجز لساني عن الشكر لك
وننتظر المزيد منك
ومرحبابك في بيتك
وتقبل مني خالص الشكر



عايض الشمراني غير متواجد حالياً   رد مع اقتباس
قديم 03-29-2007, 05:50 PM   #3
عبدالرحمن بن جروان مؤسس ونائب رئيس المجلس الإداري الأعلى
 

ابونايف الشمراني is on a distinguished road
افتراضي

فـي كـل ديـره مـجـد .. تـذكـر وقـعـه
ومن لا مـدح ربعـه ضعيـف و دانـي


ومـــن زوّر الـتـاريــخ جـعـلــه يـتـلــف
للسيـف غـمـد وللـرجـال اوطـانـي

،،،،،،،،،،،،،،،،،

talal07 بيض الله وجهك على هذه
القصيده الرائعه عز الله انها شافيه وكافيه مثل صاحبها



اسجل كل تقديري واحترامي لك ولحظورك اخي talal07
ولما قدمت


شكرا لك تقبل تحياتي
اخوك:ابــــونـــايف



ابونايف الشمراني غير متواجد حالياً   رد مع اقتباس
قديم 03-30-2007, 03:39 AM   #4
مؤسس وعضو المجلس الإداري الأعلى
 
الصورة الرمزية عايض حامد الشمراني
 

عايض حامد الشمراني is on a distinguished road
افتراضي

والله ونعم وماقصرت الله يبيض وجهك ويجمل حالك على هذه القصيده المعبره
بكلماتها ووصفها الجميل

لك مني إعجابي على هذا الطرح الراائع
ننتظر الجديد منك

كل التقدير
ابوحامد



عايض حامد الشمراني غير متواجد حالياً   رد مع اقتباس
قديم 08-09-2007, 12:30 AM   #5
 

سعـودي حتى آلموت is on a distinguished road
افتراضي .

السـلام عليكم ورحمة الله وبركاته ,,,,,,

أعتـذر من الأخوان لتأخري على الرد لظروف خاااصه....

ويعطيــكم العافيه على المرووور على صفحتي وهذا شـرف لــي.

وهـــذي القـصيـده للشـاعر الفـحل ابراهــيم آلشمـــرانـي(نـاظم الهمســـات) إلي معنا بالمنتدى.



سعـودي حتى آلموت غير متواجد حالياً   رد مع اقتباس
قديم 08-10-2007, 04:30 AM   #6
 
الصورة الرمزية البرنس
 

البرنس is on a distinguished road
افتراضي

صح لسانك وجعلك تسلم يا أسد شمران



البرنس غير متواجد حالياً   رد مع اقتباس
قديم 08-10-2007, 01:51 PM   #7
 

سعـودي حتى آلموت is on a distinguished road
افتراضي

ماعليــــك زود يالبرنــــس مرووك أعطــى الجمــال لصفحتــــي....

تقبــل تحياتــــــــي....



سعـودي حتى آلموت غير متواجد حالياً   رد مع اقتباس
قديم 08-12-2007, 06:28 AM   #8
عضو شرف قدير
 
الصورة الرمزية علي بن محمد
 

علي بن محمد is on a distinguished road
افتراضي

صح لسانك شاعرنا أبراهيم وتسلم يمينك يالغالي


الله يعطيك العافية


تقبل مني تحياتي وتقديري



علي بن محمد غير متواجد حالياً   رد مع اقتباس
قديم 08-12-2007, 11:46 AM   #9
 

سعـودي حتى آلموت is on a distinguished road
افتراضي

ماعليك زود يالـــرحال ومـروورك أسعــدني تقبل تحياتي يالنشمـــي..



سعـودي حتى آلموت غير متواجد حالياً   رد مع اقتباس
قديم 08-18-2007, 08:40 PM   #10
مشـرفه سابقه
 

علم بارز is on a distinguished road
افتراضي

الروعه في القصيده والامانه في النقل000 جزاك الله خير0



علم بارز غير متواجد حالياً   رد مع اقتباس

إضافة رد

مواقع النشر



أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى الردود آخر مشاركة
وبصــرح شمـران اتشرف بــرايــات رايــات فكــرن مـاغشـته الظــلالــــه بن دغش بـوح الـقـصيد للشعراء الأعضاء 9 10-25-2011 03:58 AM
مرحبا بكل شمـران خواطر غربتي بـوح الـقـصيد للشعراء الأعضاء 14 07-10-2009 03:29 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية