قصيده في عدنان بن مداوس

مداوس بن علي

ياسسلام الله لمن قدرهم عندي كبير
ال عايض منهل ما ارتويت بمشربه

عزوتي وقت الشدايد وباليوم العسير
مكسبي والرجل يفخر بدقنه واشنبه

صلب عودٍ بين شمران يشير ويستشير
يرحم اللي سجل الشور بأسمه واكتبه

والصقر ما ينجب الاّ حرار وكل طير
يدمي اسراب الحبارى بقوة مخلبه

روس في شمران في ما قدم والاّ والأخير
حي من كانوا رجال ال عايض منسبه

ويامداوس فرحتك فرحة الجمع الغفير
وانت تستاهل تجيك البيوت مرتبه

البيوت بمدح شرواك بأمر الله تسير
في رضاي ومدح الأجواد ما مثله شبه

امدح المطلق بما يستحق والمدح غير
في مداوس بن علي المشاعر معشبه

فرحتك فرحة كما اللي تحراله بشير
بالفرح من بعد ماكل شيٍ مغضبه

بعد ماحقق علي غايتك واصبح جدير
الفرح يتكرر وكل وافي يطلبه

في فرح عدنان كل المشاعر والعبير
فاح ريح العود والطيب بالشعر اسكبه

عاش من حقق منا ابوه بشيٍ في الضمير
والكفو يسعى على كل طيب ويكسبه

جعل ماحققت لك عون ومكسب كل خير
والرتب تعلا مع الكفو ويعلى منصبه

والتهاني لبو علي من كبير ومن صغير
بأسم شيخان ال حمدان قلته وانسبه

ال حمدان هلا وغلا ومرحب فيك
وشكرا لك على مشاركاتك القيمه

وصح لسان الشاعر الكبير
زهير بن حمدان صاحب الحضور المميز