ديوان شعراء السعودية في العصر الحديث (متجدد)☘️☘️

خاوينا على سعد الخوي .. سعد بن جدلان

خاوينا على سعد الخوي و افي الاشبار
شيخٍ من جنوب المملكة جابني صيته
دماث الجناب اللي تباشر به الخطار
تشوف الكرامه في حجاجه اليا جيته
والهقوات في عبدالعزيز الكبير كبار
لا جيته تبي لك لازم ٍ ما تعديته
خوي أبو تركي كل يوم ٍ على فكس آر
و غيره خويه ما يعيّن عشا بيته
عسى الشايب اللي عقّبه ما يطب النار
و الله يرحم أم ٍ جابته حيه و ميته

السيف الشقير .. سعد بن جدلان

الأوله من الأولات عبادة المعبودي
الله اللي يولج لياليه في الأيامي
فاح ريح الجاوي من العود والكمبودي
مع ذعاذيع الصبا لا هبت الأنسامي
يا قريحة خاطري مع فوح ريح العودي
في نحور الطرس الأبيض سجلي ياقلامي
واكتبي سطر سواة اللولو المنضودي
وابدعي قاف يغني في اليمن والشامي
في نبا فيصل ولد خالد زعيم الجودي
يا سلام الله على راعي المقام السامي
يسمو الإبداع في السيد من المسيودي
وفي سما الأسياد يوضي كوكب قدامي
أهل عقال القصب والجوخ والحمودي
واهل السيف الشقير مناصر الإسلامي
حبنا آل سعود قاد المجد في ابن سعودي
وأنت يا هداج تيماء بهجة للضامي
جيت أهني جيت أبارك جيت لي مقصودي
فيك تكبر شرهتي ويحققن أحلامي
جيت أبي منك الفرج يا فزعة المضهودي
و ابني آدم يرمي الأسهام والله الرامي
والختام اسلم عدد ما نسنس النودي
من هجوس ما تساق إلا على الحكامي

ألا يالهبوب البارده .. سعد بن جدلان

ألا يالهبوب البارده عجلي هبي
على جاش من قامت هواجيسه أتلوبه
أنا مرةٍ أصحى ومره يغيبي
وأسرح مع كثر الطواري بغيبوبه
ألا يادهر ماهوب حقٍ تلاعبي
وخليتني لمقرد الخلق لعبوبه
أعبادٍمغفلها الزمان وتعجبي
يحسبون قل المال فالرجل عذروبه
وأنا قانعٍ باللي علي كاتبه ربي
ومؤمن بمقدوره وقانعٍ بمكتوبه
ولا أبغى عماألرياء برايه يجربي
وهو ماعرف ماجوب ربي وماجوبه
هدور المجالس راعي المدح والسبي
وهو بالخلاء لو جاه بنتٍ خذت ثوبه
يقولون لي جز من تصرفك وتحبي
وهي توبتي من مجتمعهم هي التوبه
ديار الوباءمن طبها راح متوبي
وقرابة الجرباء على الحول مجروبه
أناعارفٍ منصاي ألامن بدا نبي
وعارف طريقي والذي بالتجه صوبه
وأنا أعرف من أعادي وأناأعرف من أحبي
وبه ناس لاتعرف ولاهيب محبوبه

خارطة الطريق .. سعد بن جدلان

يا ذا الجلال اللي عروشك فوق وأملاكك حد
ومهماً تسامت به عروشه مستحيلا يطولها
يا حي يا قيّوم يا ذا الأنافة والكبر
ما نافسك في عظمتك مكر العباد وهولها
وما نافسك من عمّر بيوته على سطح القمر
واللّي ترسي فوق أقاليم المياه سطولها
ما انته بحاجة من عبد ولا بحاجة من كفر
ولا بحاجة ثابت الدنيا ولا منقولها
أنت السميع لمن حمد وانت المزيد لمن شكر
واللي ما يشكر نعمة المنعم عليه تزولها
ياذا الجبروت العظيم ويا القدير المقتدر
تفزع لنا في معضلات ما نريس حلولها
تلعب بنا خلاّن فرغتنا كما لعب الكور
وأن اقبلت صاحوا لها ان دبّرت صاحوا لها
لا هبّنا الطايف بعض الأحيان في فية عصر
شهب الليالي من ورانا يسحبن ذيولها
أنت السلام اللي لك الإسلام وأنت المشمخرر
اللي عجايب قدرتك في المعجبين ذهولها
سلام يا محمد رسول الله راعي الوجه الأغر
وسلام يا روح ملائكة السما صلّوا لها
سلام يا ابوبكر يا عثمان يا علي وعمر
وسلام يا سبع الآفاق أطلالها واسفولها
سلام يا صدق النوى سلام يا وسع الصدر
سلام يا مفتاح بيبان الفرح وقفولها
وسلام يا شمس الضحى تشرق على بر
وبحروتشرق على كل الديار جبالها وسهولها
وسلام يا غر السحاب اللي تبجح بالمطر
وشم الجبال اللي تبجح بالسحاب قذولها
وسلام يا هوج الرياح اللي عطاها مستمر
مهما خذوا منها من الحسنات ما ردوا لها
بوجيهها حق وقدر وقليت الرحاب اللي لنا
ما تضمحل من الزمان ولا نشوف سمولها
ويا ليتنا لاما سرحنا اليوم الأبيض من فجر
تبطي عبات الليل ما تضفي عليه سدولها
ولا ليا منها ضفن سدولها يطلع بدر
يا صل ضياه اللي على الكوره تطق طبولها
المعتبر يآخذ على الدنيا دروس من العبر
والناس بكسبها معاملها بقد عقولها
أحيان تصدف لعبة الشاطر مع غلطة عمر
مرة.. لكن لا عّدت الغلطة ما عاد ينولها
حنا عرفنا كلنا ما طال من شيء قصر
والأحلام ماتوا قبلنا شرهين ما وصلوا لها
حتى الجمال اللي نحملها الهقاوي بالصبر
يالله بحملتها تقوم وتدّرج بحمولها
والحب سيسان العبادة والعبادة بالجهر
إن ما قدرت تقولها وجه الصحيح يقولها
يسرون عميان المحبة تيه في غدرا الغدر
للي تحد سيوفها واللي تعن خيولها
ولا تفكر في غناة ولا تفكر في فقر
وتشفع لبيضان الصدور احضوضها وفعولها
أهل التكلف بالمعرفة والتصنع بالبشر
والله ما هي حول الصحيح ولا الصحيح بحولها
ما يقّيم بو ميه من بو عشر اللي يفضّل
حتى الفضولية عن الفاضل بطل مفعولها
اللي تخبره لحيته ذا ..طولها يصبح بزر
واللي تخبره بزر يصبح تصبح لحيته ذا طولها

ياعيون اللي على المرقب تعلاّ .. سعد بن جدلان

ياعيون اللي على المرقب تعلاّ
مايرب الا المراقيب الطوالا
طرتّك منها غثاء البال يتجلاّ
نعسٍ مابينها بيضٍ تلالا
تذهل إلّي في جواهرها تحلاّ
واهني من ذاق من ريقك زلالا
لا وجاه الله ومنّ زكّى وصلاّ
مانبيك الاّ على السنّه حلالا
مايرّد الجوع شخبٍ في المفلاّ
ولا يخضّ السعن من ذوده هجالا
أنت غالي ياوليفي لا تغلاّ
يثبت الليّ بيننا ايامٍ طوالا
واللهّ انّي ميسٍ من وصلك الاّ
فزعةٍ من ربنا جلّ وتعالا
أدخل الضولات من شان أتسلاّ
كود جرح القلب يبرى ويتشالا
والمجنّب من الأوادم مايخلاّ
لا سلم من شرّ ذولا ..جوه ذولا

انا الليّ همومي .. سعد بن جدلان

انا الليّ همومي صايراتٍ عليّ كـدر
لوّ انها تحوّل فوق غيري فقد عقله
لامنه اشتغل موضوعها داخل الصدر
تقلّ فايزٍ وسطه فريقٍ يصفـقّ لـه
على الصاحب الليّ مانويناه بالغـدر
شفوقٍ عليّ وانا ماغير أتشفقّ لـه
بنا بيت حبّه فالحشا واسس الجـدر
وخلاّ معاليق الضماير تخافـق لـه

البارحه يوم الاوادم خواشيع .. سعد بن جدلان

البارحه يوم الاوادم خواشيع
في نومها وناعلى الكوع واعي
هم(ن)يمزع سترة القلب تمزيع
تقول ينهش ثومة القلب افاعي
خذت القلم من بين روس الاصابيع
وحبيت اميز سيرتي وانطباعي
عزلت من صدقان عطلةالاسابيع
وعزلت من ضحك الوجيه الصناعي
وعزلت من بنين بامالي مشاريع
جميد برد ولانس الشمس ماعي
وعزلت من زرع الخلي البلاقيع
وعزلت من رفع الثنيه رباعي
من نفعة اللي ماطلبني منافيع
جميلة(ن)في غير اهلها ضياعي
في اسواقها ماعاد لشري ولابيع
لخطيت من رفقة طويل الذراعي
اللي على الرفقه يسوقه دوافيع
هذاك تشرى رفقته ماتباعي
امايشجعني على الطيب تشجيع
والايعلمني حميد المساعي
والا ليامنه رمعني رواميع
وضاقت على كل الفجوج الوساعي
جيته ويسرلي عسير المواضيع
وخلاخفايا خاطري له وساعي
معرفته ماهي معرفة طماميع
ماتنتج الاالغطرسه والضياعي

الجمس .. سعد بن جدلان

يا راكب اللّي مصنعه في الولايات
اللّي مريكا في المصانع تصبه
تصميم شركة كلاهان الخواجات
اموردة من نيويورك ونصبه
أكبر مكينه سقّطت للونيتات
واحد صفر واحد ودبه ودبه
ما يصدر الا عن طريق القطاعات
حتى سبيراتة تجي في اسطبه
وبالجدول السري خذته الوكلات
ومديرها وقّع وعاهد بربّه
وصدفه طلع بالواسطه والحيالات
ثم قيل يا سوّاق أخذه وغبّه
ساعة فتح بابه عطوه السويكات
شغّل ولا الماء مع كزوزة يكبه
قام إيتسمع وش تقول القزوزات
لياهي تقول ابغاك ممه وببّه

يآسوريآ عذراً .. سعد بن جدلان

يآسوريآ عذراً ترى المعتصم مآت
وأهل الشھآمة كلھم ميتينآ
يآ سوريآ لوذي برب السماوات
الناصر البر المعزّ المعينآ
ما فيك نفطٍ يستفز الخواجات
والعُرْب عن نجدتْك متخآذلينآ
مآغير صوت الجعجعة فآلقنوات
لكنّ مآ شفنآ الرحى و الطحينآ
أهل الخليج اهمومھم في الزيآدات
تفكيرنآ تآلِ الشھر كم يجينآ
فصل الشتآ كلّه تمآشي وكشتآت
والصيف ب اسطنبول ولّا ب اثينآ
ومع اتسآع العولمة في المسآحآت
طلع ثلاث اربآعنا ملحدينآ
وأرض اليمن منتوجھا شمّه وقآت
سكآنھآ في عشبھآ مرتعينآ
ان جآت للفزعة ولانكار للذات
عز اللھہ ان اهل اليمن خآيبينآ
وارض الكنآنة بلطجية وثورات
شعبٍ غدا في سكّة التايهينآ
إلى اعتزت فيفي وصآحت عنآيآت
قآموا لھآ مليون متضآهرينآ
وإن جيت للسودان وقت الملمآت
سكآنھا طول السنة نآيمينآ
وإن قلت هبوا يآعرب يكفي اسبآت
يقلون لک يآ زول (مآ دايرينآ)
والمغرب الاقصى عليھ التحيآت
اوادم(ن) من فيدهم ميّسينآ
والاردن اللي تحتميھہ الزلامآت
ترى العدا من شرّهم سآلمينآ
وتشوف في لبنآن كثر الديآنآت
كلن على مذهب وملھہ ودينآ
لكنّ في السهرة تزول الخلافآت
مثل البقر والضان متخآلطينآ
واهل العراق هل الشيم والبطولات
الرافضة سوّت عليهم كمينآ
أرض الخلافة والعطا والحضآرات
تلعب بھآ الشيعة شمآل ويمينآ
يلعن ابو ذيک الخشش واللحوات
من دون ربي يعبدون الحسينا
كل المصآيب والفتن والخيآنآت
اللي جرت للعُرب والمسلمينآ
في وقتنآ الحاضر وفي مآضي فآت
للشيعة الاوباش فيھآ يدينآ
الشيعة أنجس من جميع النجآسآت
والعن من ابليس الرجيم اللعينآ
يآسوريآ عذراً ترى المعتصم مآت
ثوري وغير الله لا ترتجينا

انا يوم اجـيّ وأمركــــــــم .. سعد بن جدلان

انا يوم اجـيّ وأمركــــــــم ياوليفـي حنـج
ولا وديّ أقرابـك تلـدّ النـظــــــــــــــر فـيّـه
لعبّ بيّ غرامك فالخفا لعبـة الشطـــــرنـج
ليا دار لعبه بيـن الأعضـاء السيـــــــــاسيـه
وسبح بي غرامك سبح موج البحر فاللنجّ
غفلت وغدابي حبّـك شويّـه ..شــــــــــوّيـه
لاشفت زولك قام يدخل أعظــــامـي بنـج
أسولف مع العالـم وقلبـي لـه نحــــــــيّـه