قصيده في زواج اخي محمد بن عوضه عند قحطان

12-20-2011, 02:17 PM

يامـــــرحبا تــرحيبة تنشــر على روس الـرجـال
تــرحيــبة فيها الوفــاء لأهل الوفـاء نبــــــدابها

تــرحيبة تملأ الفضا والأرض وسفـوح الجبـــال
تـــرحيـــبة فيها المحــــبه والوفــاء جلبـــــابها

تـــرحيبة مثل المـــطر اللي يســــــــيل كل جـال
يكــسي البـــلاد الممحــله بالعشب بعد اجــدابها

يامـــرحبا يا انســــابنا اللي فعــايلــهم تقـــــال
يـــوم الحــرايب قـــايـمه كل يحسـب احســابها

قحطـان يا نعم الـرجال تاريخـهم ماضي وحال
تاريخــهم مثــل الــذهب والطـــيب يتغنــــابها

يا مـرحبابك يا ابن راسي والكـرم حسن القبال
يا عاشق درب المـــراجل والوفاء لأصحـــابها

يا مــرحبا والطــيب يبــقى للــرجال ولا يــزال
غـــاية رجـال طيــــبها فــوق العــلا يــــرقابها

وبن دليـــم الفعل كامل وما على لله الكمــــــــال
شيـــــخ المراجل والمــراجل ما يعيــش اللا بها

له عنــد بو مــاجد غلا مكتــوب من رب الجلال
محبـــــــته عنــــدي من الله والله اللي جـــــابها

يا راعي الشــور السـديد والمعـرفه والاعتـــدال
الطـيب يحفـــــظ للـرجال حضــورها وغيـــابها

ويامـرحبا باللي حضر من الجنوب ومن الشمال
ومن غــربها لشــرقها والعـــــاصمه حيـــــابها

يا مــرحبا بأسم ال عــوضه قلــتها والكل قــــال
يا مــرحبا يا أغــــلا الضيـوف اللي تشــرفنابها

تــرحيبة قـدر الـرجال والقـدر من فـوق العقــال
عـــاشو بها اجــــدادنا وحنــا بعــد عشنـــــابها

علي يـــرحب والـوفاء ســمه لــــذربين الفعـال
اللـــــي على درب المـــــراجل ما تكل اركـــابها

ابو محــمد راس قـوم والطيب عنـده راس مال
لعل يــومه عن سنـــين اللي يطـــول حسـابها

دايم على فعل الكــرم الفـــــال يقفــاه العقــــال
عــادة رجــــال اهل الكـــرم اللي تشـــرع بابها

واخـوانه اللي طيـبهم في المجتمع مضرب مثال
تعــيش لأجل المـرجلـــه والمــرجله تحيــــابها

ان جيــت باعــدالخصــال لاشك وافين الخصال
ياالله عـسى الجنــه تكـون منـزال عـود جـابها

اســرة وفاء تأخــذ وفاها ورث من جـــد لخـال
ما خــاب منهم عــزوته وظنـون من يهقــابها

افعــالهم بالطيب تــرقى تعتـلي فــوق الطــوال
نفخـــربهم بين الـــرجال اللي تعــز اشنـــابها

ونقـــولك مبــروك ياراعي المـواجيب الثقـــال
عــسى السعـــــــاده يا محــمد دائما تهنـــابها

شيـــخ ولد شيــخ وجــده شـيخ بالأفعــال طـال
ناسب شيـوخ للــوفاء تحفظ حقـــوق انسـابها

من صلب بن حمــدان من شمـران والمطلق ينال
طيـب المـراجل والـوفـــــاء وتعــيش يا كسـابها

كل يبــــارك من محـــبه والــوفاء مـابه جــــدال
بيــن الـرجــــال اللي على الطــولات يتقـــدابها

ما جــاب بيضــان الـوجيه ولا دفعهم للوصــال
الا الغــــــــلا ثم الغــلا ثم الغـــــــلا من جــابها

شعر بو ماجد // زهير بن مداوس بن حمدان الشمراني

12-20-2011, 02:35 PM

صح الله السانك لحدود رضاك

حبك ومعنى وتجمل قايلها ومن قيلت فيه

بيض الله وجهك يا بن حمدان

وانت وافي وشاعر بك المقاييس

لك البيضاء في كل محفل

يا زهير دمت شامخا ومتألقا

لك تحية خاصة من

الشيهااان

12-20-2011, 04:10 PM

صح الله لسانك

كل يبــــارك من محـــبه والــوفاء مـابه جــــدال

12-20-2011, 04:37 PM

صح الله السانك

12-24-2011, 07:58 AM