نــــزف شاعـــــر ...

الي بقى لي مـع الأيـام ..وفٌيتـه
والضيق لو ينهمر تشربـه وديانـي


ماهي كبيره علي والحـزن غنيتـه
ولاهي غريبـه اذا وقتـي تحدانـي


كم جرح أخذته من الاحباب..ضميته
وجروح قلبي زكاه لحـب خلانـي


مطعون؟عادي ,جفا الاقارب؟داويته
تعبان؟ حدي ,ردي هالحظ؟ خاواني


صدمه؟بسيطه ,هوان الحال؟مريتـه
مقرود؟ أدري , واذا حرمان؟عداني


مافاح هـم لـك والله مـا تقهويتـه
و مامر حزن بغيري مـا تبلانـي


ياما وياما من الخـذلان ..عديتـه
إلا بصاحب ..بعد العشره تناسانـي


ازريت لأنسى غيابه ليـن ناديتـه
والموت لامن تجاهلنـي وجافانـي


وينه يجيني ..وكل عتـاب كنيتـه
ياليت يدري بعد فرقاه وش جانـي


من كنت طفل وانا أرجاه في بيتـه
شيبت..واثره على هالحال خلانـي


حتى جناح العتـب لرضـاه ذليتـه
ماطرت بعده فرح من ذل جنحانـي


ياقلب صبرك..ترى كل شي سويته
ماكان افضل من اللي كان بإمكانـي


لو بي قـوه علـى الهجران؟خليتـه
لوبـي ذره مـن النكران؟يفـدانـي


الجرح أرحم..اذا يرجع من أغليتـه
مجروح؟ فدوه..ولكن صعب وحداني

,,,,,,,,,,,,,,,,,,,,,,,,,,,,,,,,,,,,,,,,,,,,,,
راقت لي كثيرا

جروح انسان

أخوي نشكر لك على نقل القصيدة

وتنقل إلى القسم المناسب ..

الله يعطيك العافيه ع القصيده الجميله
موفق بإذن الله ...

أشكرك ع القصيدة الرائعة

الله يعطيك العافية

تقبل تحياتي وتقديري




أميرة الورد

جروح انسان اشكرك على نقل القصيده