منتديات قبائل شمران الرسمية


الخواطر والقصص والروايات يهتم بالخواطر والقصص والنثر التي من نزف الأعضاء

إضافة رد

 
أدوات الموضوع إبحث في الموضوع انواع عرض الموضوع

قديم 02-11-2008, 08:29 AM   #1
 
الصورة الرمزية بقايا روووح
 

بقايا روووح is on a distinguished road
افتراضي (( خاطرة أبـكت اكثر من 500 شخص ))؟؟


خاطرة ابكت اكثر من 500 شخص
قرأتها فأعجبتني وأثرت في نفسي كثيرا
وأحببت أن تشاركوني بها
وهي للشاعر إياد المريسي




ثقيله هالدقايق
اذا كان الوجع
بـ عمر ..انسان
ثقيله يا ثواني
هي بداية (تمر ازمان )
بغيضه يالدموع اللي على خدين طفله
بعمر الورد/ وكبر الجرح
حزينه يا الاماني ..ليه ؟ّ
انا مدري وش اللي ماخذينه بس!!
انا مدري من المسؤل ؟!
عن الحصه / عن التلميذ / وآخر درس
انا مدري ..
انا ليه اكتب حروف اللحين ؟!!
احاول أاشرح ..الحزن الدفين
بثرثرات حروف وغصت عين
حكاية من حرم طفله..
تحس بضحكة الاطفال..
صباح العيد
حكاية (آآآآآه )..في حلق حيرتها
ورجفة أيد ..
وتتنهد في جدار القبرساعة
كنها ظلم الليالي ..بوحشة بيد
ومع أول دقايق سالفتنا ..
على شارع حمل ثوب الحداد
وحشرجات ..القبر ..
بسرعه مر
مع الوعد الذي ما قدر يوفيه
مع اسماع طفله ما تعرف الحزن !
او .. كانت ما تعرف الحزن ..
تغرد له بصوتها النعسان ..
وتعزف أعذب الالحان ..
(يبه ..عمري ..حبيبي
لا تْأخر
ابي ترجع قبل ما انام ..
ابي اتلحف حنانكفي
تصبحين بخير .. مع بوسه على خدي ..
يبه وانام ..
وقبل ما انسى ..يايبه اسمع ..
ابي دفتر رسم أحمر
وابي اقلام للتلوين ..
وابي فستان مثل لون
الشموس اصفر ..
وابيك انته ..تلبسني ..
تحمل يا يبه ارجوك ..
تمهل يا يبه ارجوك ..
شوي /// شوي )
وكان آخر ..وصاياها ..
وعلى غفله تهور ..
مع سرعة بدون حساب ..
ينادي هالرصيف الموت ..
ينادي له ..تعال تعال تعال تعال..
وانتهت قصةعمر ..انسان
وابتدت حيرة..يتيمه ..
ما اكملت عامها التاسع ..
يضيق بدمعها ..
صمت الشبابيك.. الكئيبه ..
على الجدران ..
تحاول تنحر اجابة هالسؤال اللي
تفجر في قصيدة حزن
بلا..عنوان ..
(يبه وينك؟!
تعبت انتطر ..
تعبت أتخيل ايدينك ..
يبه وينك
تعبت أسأل زوايا البيت ..
تعبت أسأل ثوبك المكوي
تعبت آشم عطرك
واحضن غيابك ..
تعبت اكذب على دمعي
وارتب عيني وثيابك
يبه وينك؟!
الف الدار ..واتذكر .
هنا ..يمشي
هنا يجلس ..
هنا يضحك ..
هنا كنا على شانه
نجي نسهر ..
يبه وينك ..
ويقطع حزن هالافكار ..
باب الدار
واصيح بصوت واتحشرج ..
منو بالباب ؟!..منو اللي دق هذا الباب؟!
انا مابي لعب ..واقلام
انا مابي هدايا
انا ما ابي اشوف اصحاب ..
يبه وينك ؟!
يبه .. يرضيك حالي اللحين ؟!
كرهت المدرسه والدرس ..
ولا حد فيني حس
تذكرني بغيابك شهاداتي ..
معلمتي
وباب المدرسه
والدرس
اصحابي وعلاماتي ..
يبه وينك ؟!
كلامي يا يبه حارق
كلامي مر
وانا اقرا في الدفاتر هنا ..
(يوقع ولي الامر)
من اللي فرحتي تتكحل بعينه ؟!
وضحكاته
يبه ..وينك ..؟!
نجحت ..وتختنق فرحه
وسط صدري ..
تجيني الناس وتبارك .
وهذا الحزن بي حارث ..
ولا تدري
باني يتيمه ..
والسبب حادث.. )
وبدت تذرف دموع
تشق صدر الليل
سواده حيل يشبه له شعرها ..
يشبه له غيابالاب..
غايبه ..
ما وراه غياب..
ولا يمكن يعوضه ..
القريب / الاخ / والاصحاب
ثقيله هالدقايق
اذا كان الوجع..بـ عمر ..انسان
بغيضه يالدموع اللي على خدين طفله
بعمر الورد
حزينه يا الاماني ..ليه ؟ّ
حزينه يا الاماني ..ليه ؟ّ





أختكم المحبة/

بقايا روووح



بقايا روووح غير متواجد حالياً   رد مع اقتباس
قديم 02-11-2008, 09:19 AM   #2
عضو مؤسس
 

بلقاسم الشمراني is on a distinguished road
افتراضي

ثقيله هالدقايق
اذا كان الوجع..بـ عمر ..انسان
بغيضه يالدموع اللي على خدين طفله
بعمر الورد


جميلة جدا أختي الكريمة بقايا روووح

تؤثر في النفوس تأثيرا عميقا وتدمع العين

بارك الله فيك وننتظر جديدك

تحياتي واحترامي



بلقاسم الشمراني غير متواجد حالياً   رد مع اقتباس
قديم 02-11-2008, 12:22 PM   #3
عضو شرف قدير
 
الصورة الرمزية عايض بن علي
 

عايض بن علي is on a distinguished road
افتراضي

غايبه ..
ما وراه غياب..
ولا يمكن يعوضه ..
القريب / الاخ / والاصحاب
ثقيله هالدقايق
اختي بقا روح اقف احترام لمواضيعك البناءه بما فيها من نصائح
يعطيك العافيه



عايض بن علي غير متواجد حالياً   رد مع اقتباس
قديم 02-11-2008, 12:46 PM   #4
مشرف عام سابق
 
الصورة الرمزية سعيد بن منجية
 

سعيد بن منجية is on a distinguished road
افتراضي

خواطر فعلا رائعة ومدوية

والاماني حزينة ......؟



سعيد بن منجية غير متواجد حالياً   رد مع اقتباس
قديم 02-11-2008, 02:31 PM   #5
مشرف سابق
 
الصورة الرمزية المحروم
 

المحروم is on a distinguished road
افتراضي

::بقايا روووح::

مشكوووره يالغاليه .....
تسلم يدك ولاهنتـــي.....


تحياتي.....

*&المحروم*&



المحروم غير متواجد حالياً   رد مع اقتباس
قديم 02-11-2008, 03:58 PM   #6
 
الصورة الرمزية همس الشوق
 

همس الشوق is on a distinguished road
افتراضي

الف الدار ..واتذكر .
هنا ..يمشي
هنا يجلس ..
هنا يضحك ..
هنا كنا على شانه
نجي نسهر ..
يبه وينك .


ابكيتنا
يعطيكي العافيه اختي بقايا روووح لاهنتي
يالغاليه على ها النقل الجمييل



همس الشوق غير متواجد حالياً   رد مع اقتباس
قديم 02-12-2008, 04:07 AM   #7
 
الصورة الرمزية بقايا روووح
 

بقايا روووح is on a distinguished road
افتراضي

اقتباس:
المشاركة الأصلية كتبت بواسطة المهندس/ بلقاسم ال عدول مشاهدة المشاركة
ثقيله هالدقايق
اذا كان الوجع..بـ عمر ..انسان
بغيضه يالدموع اللي على خدين طفله
بعمر الورد


جميلة جدا أختي الكريمة بقايا روووح

تؤثر في النفوس تأثيرا عميقا وتدمع العين

بارك الله فيك وننتظر جديدك

تحياتي واحترامي

الأجمل هو تواجدك أخي الكريم


وبارك الله فيك


أسعدني مرورك

حيـــــــــــاك الرحمن



بقايا روووح غير متواجد حالياً   رد مع اقتباس
قديم 02-12-2008, 04:11 AM   #8
 
الصورة الرمزية بقايا روووح
 

بقايا روووح is on a distinguished road
افتراضي

اقتباس:
المشاركة الأصلية كتبت بواسطة فتى الاحلام مشاهدة المشاركة
غايبه ..
ما وراه غياب..
ولا يمكن يعوضه ..
القريب / الاخ / والاصحاب
ثقيله هالدقايق
اختي بقا روح اقف احترام لمواضيعك البناءه بما فيها من نصائح
يعطيك العافيه

ولك احترامي أخي الكريم

حيـــــــاك الرحمن



بقايا روووح غير متواجد حالياً   رد مع اقتباس
قديم 02-12-2008, 04:13 AM   #9
 
الصورة الرمزية بقايا روووح
 

بقايا روووح is on a distinguished road
افتراضي

اقتباس:
المشاركة الأصلية كتبت بواسطة دماوي حيل مشاهدة المشاركة
خواطر فعلا رائعة ومدوية

والاماني حزينة ......؟


الرائع هو مرورك أخي الكريم


حيــــــــاك الرحمن



بقايا روووح غير متواجد حالياً   رد مع اقتباس
قديم 02-12-2008, 04:18 AM   #10
 
الصورة الرمزية بقايا روووح
 

بقايا روووح is on a distinguished road
افتراضي

اقتباس:
المشاركة الأصلية كتبت بواسطة المحروم مشاهدة المشاركة
::بقايا روووح::

مشكوووره يالغاليه .....
تسلم يدك ولاهنتـــي.....


تحياتي.....

*&المحروم*&

الشكر لمرورك أخي الكريم

أسعدني مرورك


حيـــــــــــاك الرحمن



بقايا روووح غير متواجد حالياً   رد مع اقتباس

إضافة رد

مواقع النشر



أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى الردود آخر مشاركة
خاطرة الحمدان المنتدى العام 8 09-14-2019 02:54 PM
خاطرة الحمدان المنتدى العام 6 10-08-2018 10:42 PM
خاطرة الحمدان المنتدى العام 6 10-08-2018 10:21 PM
اكبر مجرمة آكلت اكثر من 30 فتاة بلاد شمران الصحافة المحلية والعالمية 4 01-03-2011 11:44 PM
الله اكبر ولله الحمد .. مبارك لاعضاء الشبكة زوال اكبر امبراطورية عرفها التاريخ قريبا أبـو رفـيــع المنتدى العام 14 02-17-2010 09:37 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية