فوق هام السحب ( الشعر الشعبي) على متن القوافي

‏الجمايل باقية طول الأبـــــــــد
والوفاءلأهل الوفاءطول السنين

والنقاء والطيب ما هو ملك حـد
غير أصحاب النقــاء والطيبيـــن

.....

لبيه لبيه من روحي الى روحي
لبيه يا اغلى من الدنيا ومافيها

لبيه احبك كثر ما تعشق جروحي
لبى حياتك من اولها لتـاليـها

.....

خل صدرك على جور الليالي وسيع
‏واعرف ان كل عسر مقتفيه اليسر

‏ولا تحسف على طيبك لو انه يضيع
‏راعي الطيب رابح لو خسر ما خسر

.....

عاقلة وأوزن عتابي والملام
لو دموعي بالمعاتب موجعة

هادية من داخلي مثل السلام
وخاطري مثل الفصول الأربعة

راضية ومسامحة لاجيت أنام
للزعل جلباب ماضي وأنزعة

ما أضر وما أحب الإنتقام
للدعاء بيبان صدر مشرّعة

......

ماكلّ غـايـــب عـن عـيــونـي فقدته
‏و ماكل شخص القاه يستاهل اغليه

‏مـن بـعْـــد ما قلبي شقيتــه وعدته
‏ما يسكنه غـيــــر الّـذي يعتني فيه

.....

‏تغيـب لكنـك علـى البال بـــــــاقي
واكذب على عمري اذا قلت بنساك

اشتاق لـك وان زاد فينـي اشتياقي
ارفـع كفوفـي وادعـي الرب يرعاك


......

‏كتبت فيك القصيد اللي يعز القصيد
‏واثريت باسمك بيوت الشعر واغنيتها
‏
‏والله مافيه عندي غير حبك رصيد
‏إلا قصيدة غزل لااشتقت غنيتها

......

وشلون اعلّمك بـ اني مانسيتك أبد ؟
و شلون أوصف لك الحزن بشعور اشتياق
‌
بعدك وانا الساكت اللي ما يسولف لاحد
بعدك وانا المندمج مع كل دمعة فراق !
‌
اعطيك عمري فدا بس انت عطني وعد
ان طول الله عمرك لا يطول الفراق


......