قصيده الخمره المثيره للجدل

قصيده الخمره المثيره للجدل


قصيدهـ كثر ماهي جزله ,,
كثر ماهي جــريــئــه ,,
كثر ماهي حزيــــنــــــه ’’
هــــي رائــــــــ ع ــــــــــه ,,
وتــســتاهـــل الإعــجاب ,,
و لا عجب في ذلكـ الإبــداع ’’
الشاااعر {جــابر الـ ع ــتــيـــــبي }
صح السانــه ... وصح ذوقهـ ....


اتركم مع القصيدده


نصيحه اسمعو القصيده وارجو الرد


راابط الاستماااع والحفظ
http://file6.9q9q.net/Download/89834...------.rm.html

اليكـم القصيـده ياجماهيـري وهــي خـطـره

وخلـو هاالرقابـه تسجـن الشاعـر وجمهـوره

هدووؤا ًايها السـاده حضـور الحفـل والسهـره

مساء الخير ع الصاحي واشوف النـاس مخمـوره

انا اسف على الازعـاج ولكـن طـارت السكـره
ذكرت اني قبل ساعـات اصيـل لعزوتـي نـوره

علـى فكـره الكرفتـه عجـزت افكهـا عـسـره
ابـي واحـد ينزلهـا او اي وحـده ومشـكـوره

وابي ثوبي جيبولي ثوبـي الاشهـب مـع الغتـره
قبـل والله لا اطربقهـا علـى هالحفـل بحظـوره

ولا واحـد يتكلـم قـبـل ماخـلـص النـشـره

ومن يحكي قسم بالله لا ادوس برجلـي حنجـوره

تراهـا قفلـت يـاسـادت بــلادي وياسـتـره

وهـي مادامهـا خربـت بقـول الليلـه الـثـوره

انا بحكـي مـن اول يـوم جيـت لدنيـة ٍ قـذره

وتكـرم عـن قذارتهـا بـيـوت الله ومعـمـوره

انا مولود فـي ليلـه شتـاء مـع بردهـا مطـره
في خيمه وسط صحـرا مابهـا سستـر ودكتـوره

انا ياحضره الساده غريـب وضـاع مـن صغـره

لعـن جـدي زمانـي بيـن مدهـوره ومهجـوره

حملت من الشقـى مـالا يطـاق وجايكـم ذكـره

ولاني عاجـز اتحمـل وامـوت بنفـس مقهـوره

وانا ادري يذبح الرجال كثـر الصبـر فـي قهـره

وعن قهـر الرجـال المصطفـى حـذر ومذكـوره

وهم قالـوا مفاتيـح الفـرج للحـي فـي صبـره

وانا اشوف الصبر مفتـاح ضـاع وزاد طابـوره

تعبـت الملـم ايامـي بيديـن الهـم والحـسـره

تعبت المـع البـرواز وامسـح غبـرة الصـوره

تعبت ابوس كف الجوع وخشم الفقر طـال عمـره

تعبت اكذب على الحاجه واقـول الحـال ميسـوره

تعبت احمس من القهوه واحـط السمـن والتمـره

تعبـت ودلتـي وحـده وكـل شـوي منـثـوره

احسب العز بالدله وبيت النذل بها عشـره دلالـه

اكـثـر الملـعـون وملـيـانـه ومـسـطـوره

انـا بحكـم البـداوه انـزرع فـي داخلـي بـذره

عن علوم المراجـل الـف بـذره فينـي مبـذوره

تربينـا علـى الديـن ونطيـع الله مـع شـكـره

تعلمنـا نصلـي ونحفـظ القـرآن وكـل سـوره

تعلمنـا نحـب الضيـف وفينـا الكـرم فـطـره

تعلمـنـا نـقـول الـصـدق لا لـفـه ولا دوره

تعلمنا نحلب النـوق ونعـرف وش هـي البكـره

تعلمنـا الضمـا وحنـا بيديـن البيـر محفـوره

تعلمنـا ... وكثيـر اللـي تعلمنـاه وش كـثـره

خذنـا درس بالدنيـا بــلا دفـتـر وسـبـوره

وانتم ياسكااارى الحفل .. عفـوا ً ايهـا الزمـره

منوفيكم .. عرف قهر الزمـان وضلمـه وجـوره

منوفيكم .. وطاه الجـوع و ذلـه واصفقـه فقـره

منوفيكم .. عـرف يحتـاج للقمـه ونشـف زوره

منوفيكم .. مـن الضيقـه حفـر بصابعـه قبـره

منوفيكـم .. رقـد ليلـه وسـط اجسـاد مقبـوره

منوفيكم .. مشى حافـي برمضـا ً كنهـا الجمـره

منوفيكم .. سهر ليـل الضـلام بـذون اباجـوره

منوفيكم .. ماطاح الفيـن مـره وسلمـت الجـره
واناا من قبل اطيـح وجرتـي بيدينـي مكسـوره

لكم الماء .. والوجه الحسن .. والمال .. والخضره

ولنا حنا الضماء .. والجوع .. وفقر وشيفة ٍ عوره

ولامره حظـي ضحـك بوجهـي واشكـره مـره

وغيـري مبتسـم حظـه وكـل ايامـه مسـروره

كتبت الشعر من صغري وبيوتـي مابهـا كسـره

وانتـم تبـرزون اللـي كتـب بيتيـن مكسـوره

انـا ياحضـره السـاده فقيـر مااغتنـى بشعـره

مدام المومس اللـي تشـري الاشعـار مشهـوره

وانا ياحضره السـاده هنـا الليلـه وعلـى فكـره

ترى هالبدله مسروقه ورجلـي بجزمـه محشـوره

ولكن قلت ابحضـر هالحفـل والعمـر ابختصـره

وابي ابدع معاكم وسـط ليلـه انـس ومحظـوره

واذا كانـت رجولتكـم بكـاس الثلـج والخـمـره

انابشرب بـدون الكـاس وثلجـه الـف قـاروره

ابويـه قـال لـي مـره دسـم شاربـك بالغبـره

مايدري بالشنب محلـوق وجابـر فاقـد شعـوره

انـا بمشـي مـدام الليـل ودّع وابتـدى فجـره

بـروح ارد هالبدلـه علـى هالمعـلاق مـزروره

وانا ادري ياكلااااااب الحفل انـي بالسجـن بكـره
مدام الليله جبـت العيـد بهـذا الحفـل وحظـوره

تسلم ياتركي على هذي الابيات القويه

الله يسلمك

يعطيك الف عافيه ع المرور ..

منور ..

دمت بود ..

....

أبيات جميلة قويييييييييييييييييييييييه

سلمت ويسلم القائل ويسلم عارف الشفرة
عدا الفنان وال ...... والا لاعب الكورة

انا قد سمعتها قبل كذا

وبصراحه جريء الشاعر جدا وابياته قويه

الشاعر جابر هايف العتيبي

شاعر قوي ولا يعرف المجامله

لكن يؤخذ عليه العنصريه القويه جدا

شكرا تركي

يعطيكم الف عافيه ع المرور ..

منورين ..

دمتم بود ..

....