تعبت أشكي؟؟

خاطرة أخرى قريبة إلى نفسي بقووووووه أتمنى أن تعجبكم


تعبت أشكي 'تعبت أبكي
'تعبت أحكي "مأسي الروح"
قتلني الوقت بصروفه.
ذبحني وجفف نهاري..


أخبي علتي واسكت.
وأنا في"داخلي مذبوح"
أجامل وارسم الضحكه
وأنا قلبي على ناري..

أحاول والله يعلم بي
أداري دمعتي لابوح.
أداري الجرح واتجاهل
عن اللي ينشد أخباري..

أقول بخير لكني"جريحه"
وفي حشاي جروح.
صداها لودفنته يوم.
يبين سنين بأنظاري..

صرخت بحسرتي يكفي
صرخت'بصوتي المبحوح'.
ألا ياوقت وش ذنبي
عشان ألفيك بأعذاري..

تبعثر حلمي قدامي.
وغديت بدنيتي منزوح.
وقفت ولاقدرت أجمع
ماغيرمشتته أفكاري..

أمني النفس وأخدعها
وأقول إن كربتي بتروح.
وهي والله مولوده
في وسط أقداري..

قتيله والبقا براسي
في دنيا مابها مصلوح.
قتيله والقهر قاتل
من اللي يأخذ بثاري..

أنا ببقى "ضحيه وقت"
أعاني والعنا مجروح.
دعيت اللي خلق يرحم
رجيته ربي الباري..

أبي أسعد أنا بلحظه
قبل نزعه توافي الروح.
قبل مارحل عن الدنيا
وأروح لأخر دياري..

أنا بحمل "صديد الجرح"
في باقي وقتي المسفوح.
وإذا وافتني أقداري
ترى هالبيت تذكاري..

رثاني دمعي الطاهر
في صمته مارضي بالنوح....
"رثتني قسوة الدنيا"
ورثتني حتى أشعاري..

وجزيت اللي ذبح قلبي.
وشلته بالخفا مشروح.
لجل ماضعف بعين
اللي نشدني عن أخباري..

أختكم/

بقايا روووح