محمود الخصال

1- يا الله يا مشفي ملكنا من مصابه لين زال = يا مشفي أيوب من جرحٍ صطا به وعلقه
2- ربي سمعت إدعاء عبادك في قنوت وإبتهال = رديت غايبها وطمــنت القلوب المشفقة
3- يا سامعي خذ الحقيقة والحقيقة لك تقال = واللي يقول الصدق بين الناس كلٌ صدقه
4- من لي على وجه البسيطة مثل محمود الخصال = بومتعب اللي بالحقيقة كــل شيئ ينطقه
5- شمس تنير الكون للعالم ويعكسها الهلال = حكمة حكيم الرأي لي شبهتها ما تفرقه
6- اللي جمع بين البشر ولديان يضرب به مثال = أسطورة التاريخ فكره كـــل بابٍ يطرقه
7- يا كفة الميزان شيلي من الوفاء كل الثقال = الكون يحكي للملك من مغربه لي مشرقه
8- يا معانق أوتاد البسيطة من جنوب ومن شمال = يلزم على التاريخ بامــجادك يزيد معـلقه
9- يا سيدي نادالك التاريخ بالراحة تعال = أنا سجيناً للعــرب من مشـنقة لي مشـنقة
10- البحر موجه يصتفق والموت في حد السلال = ومن لاحسب للموج لي جات العواصف يغرقه
11- حنا سعوديين ميلنا على الغترة عقال = نخشى من الخالق ولا نخشى من اللي يخلقه
12- ما دام بو متعب ملكنا والعلم فوق الجبال = قد السفينة يا ملـــكنا والعـــــــهود موثقة
13- الخير براقه برق والنوُّ صدق بالخيال = والله مع اللي كل شرعاً في بـــلاده طبقه
14- عقلك ليا شلت القلم تلهم به عقول الرجال = يشرح عليه الفكر عام لي كتبته في ورقه
15- كل الحداثة جات في جالٍ وما يعنيك جال = لو كان ينسب للحداثة كـــل شيئ تسبقه
16- كنا على البيداء بدو وبيوتنا فوق الرمال = ونعـد للــغازي ليا جـــانا ذريع وبندقه
17- و اليوم بالعقل المفكر والبناء فقنا الخيال = واللي سبقنا بـألف عام في سنين نلـحقه
18- خذنا على سطح القمر أيام مع بضعة ليال = واللي ترومله المعالي كل رجلٍ يعشقه
19- وختامها مني صلاة عد همال الزلال = نوُّ من المنشأ تدفق كل ما زاد أدفقه
20- على الرسول اللي حمانا من التطرف والضلال = وامن بمن نزل له الآيات والحب أفلقه

صح لسانك قصيدة جميلة ورائعه
تسلم

صح الله لسانك
ننتظر المزيد

صح الله لسانك ولاهنت على ماقدمته

سعد : أسعدك الله ووفقك بتوفيق منه
صح السانك جملة جمل الله حالك:::::::::::::: لك اجمل تحياتي

سعد : أسعدك الله ووفقك بتوفيق منه
صح السانك جملة جمل الله حالك:::::::::::::: لك اجمل تحياتي