ياعزوتي شمران

ياعزوتي شمران لاحصحص الحق
سم الهوا قلبي وفتق عروقي
اطرد مع زين العذارى ولا الحق
وانا لاشفت الزين لاحت بروقي
مافكت لحام الهوا كثرة الطق
ماشوف غير الحب تحتي وفوقي
وانوح لاناحت على اغصانها الورق
واعزف على فرقى الولايف طروقي
مابيني وبين الملّوح ولافرق
طاسة صبوح وذيك طاسة غبوقي
ومن شاف مثلي في الهوا الغيد يغرق
ويصير موج الشوق فوق صفوقي
حمر الشفايف ووالثنايا كما البرق
والخصر ناحل والردايف تشوقي
والصدر من بيضه تشوف اخضر العرق
والبطن الاملس ماتجيه الفتوقي
وشقر الجدايل فوق الاكتاف تطلق
تلعب مع الارياح من دون طوقي
وللوجه نورن شق جنح الدجى شق
وللعين رمشن للنواظر سروقي
والجيد شمسن فوق منحره تشرق
وكل القلايد فوق نحره تلوقي
يحرك شفاته ولاقال لي ذق
وانا على مز الشفايف شفوقي
يامن لقلبن من سبايبه يحرق
وثوب الصبر جارت عليه الشقوقي
والقلب كنه من شبا السيف يفلق
والدمع يغلي في محاجير موقي
والعنق من حبل الصوايف يشنق
واستاق جيش الهم بهمي ونوقي
يوسف الشمراني

قصيدة رائعة ومميزة

صح الله لسانك شاعرنا المبدع
كل الشكر والتقدير لك اخي الغالي
ولك اجمل تحياتي

صح منطوقك لاهنت

بارك الله فيك على المشاركة المميزة
سلمت يمناك ولا عدمناك..
دمت بخير...

صح الله لسانك اخي الشاعر
شكرا على المشاركة
تسلم يداك
لاحرمنا الله من نورك
قوافل التحايا لسموك

صحت ابدانكم جميع ويشرفني مروركم

صح لسانك شاعرنا يوسف الشمراني
جزاك الله خيرا على المشاركة
وان شاء الله تكون في ميزان اعمالك
الله لايحرمك الأجر .

جزاكم الله خيرا على القصيدة
رائع ماتقدموه من ابداع مفيد
ننتظر المزيد منكم
لكم مودتي

بارك الله فيك على المشاركة اثابك الله الأجر
واسعد قلبك في الدنيا والاخره
دمت بحفظ الرحمن

شكرا على القصيدة صح لسانك
جزاك الله خيـر
بارك الله في جهودك
وأسال الله لك التوفيق الدائم