قصيدة رثاء في (الشاعر عثمان بن غرم الله) رحمه الله

السلام عليكم ورحمة الله وبركاته
هذه القصيدة رثاء في الشاعر/عثمان بن غرم الله رحمه الله تعالى واسكنه فسيح جناته والقصيدة من كلمات الشاعر / رجا بن محمد بن فايز الشمراني ويعتبر من أفضل الشعراء الشباب يقول رجا في قصيدته :

فرجنا على الله يالله العفـو والتسهيـل

يامعبود عذنا فجعـة الوقـت واهوالـه

الا صابنا فجعـة رفعنـا لـك التهليـل

وثقنـا انـك الباقـي والايـام زوالــه

فقدنا لنا كم جيل وانت تخلق كـم جيـل

اذا مـات واحـد ينخلـق واحـد بدالـه

ولكـن ماكـل(ن) فراقـه يهـد الحيـل

ياكم واحـد مـا ينفقـد غيـر لعيالـه

وحنا فقدنا من المناعير واهـل الخيـل

رجال لهـم موقـف وميثـاق واصالـه

فقدنا لنا كـم فـارس للحمـول يشيـل

وفقدنا لنا كم شهم مـا قصـرت حبالـه

وفقدنا لنا كم عارفه وجـه أهـل الميـل

وفقدنا لنا كم شاعر(ن) صحـت أقوالـه

وفقدنا وفقدنا واسمحولي عن التفصيـل

ما يمديني أفصل هـل الطيـب والقالـه

ولكن با فصل نبـا الشاعـر الحلحيـل

وفاء(ن)لما قـدم ومـا حـاز بافعالـه

رحمه الله اللي مثل ابناء الفـزع تمثيـل

حوال ثـلاث عقـود والنـاس تعنالـه

فتحنا النظر به وافتخرنـا بـلا تظليـل

الا جـات جمعـات القبايـل نصينالـه

مثل ماطر(ن) يمطر عليه الطروش تحيل

شعا برقـه اللـي مـن بعيديـن نزالـه

وفاه ونباه وقولتن مرحبـن بـك هيـل

اساطير سجلها وتحكـي بهـا اجيالـه

وقصايده رونقها ضياء(ن) كنجم سهيـل

تقدا بها اللـي دربـه اظـلال وجهالـه

اثرهـا تـرى لازال بالمستحيـل يزيـل

نقشها الزمن لين اصبحت مضرب امثاله

صحيح القصايد كم سمعنا وياكـم قيـل

وانا اشوف قاف الشعر ما سخر الا لـه

ملخص كلامي واختصار(ن) بلا تطويـل

ترى خصال بـن وزاع حيـه وتزهالـه

ولومات ظلـت مـا دخلهـا ولا تأويـل

عزانا انـه باقـي لـن ماحـاز يبقالـه

عسى الباري الباقي راعي الملك والتجليل

تكانفـه رحمتـه العظيمـه وتنحـالـه

عليها رفعت ايدي خوف(ن) مـع تذليـل

وانا مومن ان لي موعـد(ن) واتهيالـه

الشاعر / رجا محمد فايز الشمراني

((منقول من منتديات تباله))