اللي يحبون اكل المطاعم .......تعالوااا عندي لكم هدية

بســم الله الـرحمــن الرحيــم

السلام عليكــم ورحمـة الله وبركاتــه ،،

كل منا يعرف انتشار المطاعم في الاونه الاخيره وكان الانتشار ملحوظاً , فلذا ان 99% لا يعلمون عن مدى نظافة هذه المطاعم , والله اللي اشوفه انه يذهب العقل وانا جايب لكم اكثر من صوره لكي تفقهون ما يحدث داخل المطاعم وانتم لا تعلمون ( ليس كل المطاعم طبعاً )
أنا لا أقصد الإساءة أو منع الرزق ولكن بيان لوآقع بعض المطاعم في بلادنا

والي بيتغدى يدخل بعدين

-1-

زي ما انتم شايفين كيف وضع الثلاجه هنا هي في حاله يرثى لها هل رأيتم كيف يتم التخزين !! واغلب المطاعم تكون ثلاجاتهم كذا

-2-

شوفو كيف فتحة الصرف الصحي مكشوفه جنب جرة الفول

-3-

وش رايكم بهذي الصوره والصرصور يتسبح في طشة غسيل الخضروات

-4-

شوفو يا احبتي وش يسوي اخينا في الله الباكستاني اكيد ما عرفتوا وش يسوي انظروا للصور اللي بعدها وتعرفون

-5-

شفتوو اخينا في الله صار يفرم البصل بقطعة قماش وتم اخذ مسحه طبيه من هذي القطعه وجدنا عدد البكتيريا 2800 بكتيريا والحد المسموح للبكتريا وبعدها تتلف 250 بكتيريا شفتو الفرق, كل هذا بخل عشان يشتري فرامه بصل ولا همه صحة الناس اللي تشتري منه

-6-

هذا احد التوانكي لدى احد المطاعم المشهوره وشوف التانكي
تقولون ما فيه شي اوكي انا معكم ان ما فيه شي بس انا حاطه استهبال لالا دققو زين في الصنبور ,

شوفو الكوع اللي على اليسار تحصلونه من حديد وفي جوف الكوع يوجد صدا متراكم ,

وهذا الصدا يعطي نكهه مميزه من بد المطاعم

-7-

شفتوو لون الزيت ذهبي براق وانا اصوره انعمت عيوني من قوة البريق اعوذ بالله شوفو وشلون درجة السواد

برضو هذا احد البخلاء عشان ما يغير الزيت

-8-

عاد هذي الصور انا بغيت اتهور واطق البكستاني يوم شفت معه الزقاره واقوله ليه تدخن يقول هذا سيجاره مافي حق انا ,

-10-

هذي فتحة الصرف الصحي وموقعها داخل المطبخ يعني انواع القذاره في الاكل

-11-

نفس الصوره بس من جهه اخرى

-12-

شوفو الاكل الصحي << صحي ببطنك وش رايك بالمنظر يشهي صح وهو مكشوف يم يم << تقوطر سعابيله يوم دخلنا هذا المطعم كانت الساعه 11 الصباح ما طلعنا منه الا الساعه 12.30 دخلنا وطلعنا الاكل مكشوف الله العالم من متى وهم مصلحينه ومخلينه مكشوف وشف كم بكتريا وكم ذبابه اخذت لها لقمه وطلعت وااااااااو اكلاً شهي

-13-

يلعن خير ذا العامل اقوله وش ذا السواد اللي بظافرك يقول هذا من الشغل وربي انه كذوب ياخوفتي انه يشتغل في الورشه اللي جنب المطعم والمطعم نقصهم واحد وجابوه على طول ولا غسل يدينه وقعد يقطع الزلطه>> السلطه اللي يتكلمون بالاتيكيت وعلى فكره ترا هذا العامل يعمل لدى مطعم معرووف العالم منكبين عليه كب

-14-

انواع الامراض في يدين ذا العامل شوفو اليد اللي على اليمين شوفو اظافره واليد اللي على اليسار البثور اللي فوق السبابه

-15-

بالله هذي صاطوره يقطع بها لحمه ولا يقول هذي الصاطور من احسن الصواطير عندنا ولو تلاحظون ان اللحمه متجمده و من الغلط تقطيع اللحمه متجمده و وضعها في القدر وهو ساخن

-16-

لا تعليق الصوره تتحدث

قسم بالله قرف

لكن للاسف نحن ندركـ الشي هذا

وبالرغم من هذا كله ولازلنآ نحب آكل المطاعمـ<<الحقيقه

الله يبعدنآ عنهآ

........

لاهنت يالغالي ع النقله ماقصرت

اسعدني مرورك

وجزاك الله خير

يعطيك العافية بس ذا مطعم والا بوفية

هذا شغل حي الوزارات بالرياض

ههههههههههههههههههههه

{ أي الطعام أشهى يا رسول الله قال : الجوع أبصر ..

طبعا الحديث هذا ضعيف أو بالأحرى موضوع عن الرسول صلى الله عليه وسلم

ولكن لا تجي تناقش أي شايب في الديرة في هذا الحديث فيدهكك دهك :14:

/
/

لآ هنت أخوي أبو عبدالله على التنبيه

والله يجيرنا من أكل المطاعم

ـأخوك / صالح عسكر

940
هذا رقم صحة البيئة
ومسجله عندي بآلجوال
كل واحد منا شاف مطعم او بوفيه العمال اللي فيها غير مهتمين بالنظافة
يدق على هذا الرقم ويشتكي..
صح والا لا ؟!

ياربي نو هالقرف
في مطاعم راقيه ونظيفه بس زي كذا ماشفت قرف
والمفروض ينزلون قرار على كل المطاعم يلبسون قفازات مو يخبصون بايدينهم وماندري عن نظافتهم
يعطيك العافيه اخوي عالنقل والتنبيه

من جد قرف
تسلم يالغالي على الموضوع الرائع

يعطيك العافية بس ذا مطعم والا بوفية

هذا شغل حي الوزارات بالرياض

ههههههههههههههههههههه

اسعدني المرور

وجزاك الله خير

{ أي الطعام أشهى يا رسول الله قال : الجوع أبصر ..

طبعا الحديث هذا ضعيف أو بالأحرى موضوع عن الرسول صلى الله عليه وسلم

ولكن لا تجي تناقش أي شايب في الديرة في هذا الحديث فيدهكك دهك :14:

/
/

لآ هنت أخوي أبو عبدالله على التنبيه

والله يجيرنا من أكل المطاعم

ـأخوك / صالح عسكر

اسعدني المرور
وجزاك الله خير