قلت :خَل الكلمه فـ الشطر الأخيـر ..!

بسم الله الرحمن الرحيم

صبآحكم/ مسائكم/

ورود

هذي قصيده اعجبتني كثير

آتمنى تنال على اعجآبكم

جاني واحد قال : بسأل كم سؤال
وقبل يسأل قلت : أنا ماني خبير !

قال: جاوب بس , يا ولد الحلال
وكل كلمه حِطَّهَا .. فبيتٍ صغير

قال نبدي : شنهو تعريف المُحال..؟
قلت :خَل الكلمه فـ الشطر الأخيـر ..!

القهر : إن شفت دمعـات الرجال
والوطن : ( إنسان ) .. مِتغيِّر كثير

والطفل : لعبه على شاطـي الرمال
والأمل : إحساس في عين الضرير

الوفا : [ قلبين ] .. يجمَعهُم حلال
والرَجُل : اللـي علـى أهلـه يغير

والرجا : لا قلت : للواطـي تعال
والفشل : مدري .. ولكنـه مرير

الشعر : في وقتنا .. بدر وطلال
وكان أوَّل : حيـل يعجبنـي جرير ..!

والغلا : إحساس إلى حَـد الخيال
والعِشِق : لا شفت مَعشُوقِك تطير

والجفا : إعكس مفاهيم / الوصال
والوَصِل : يعنـي تأكَّـد فيك خير

والعقل : تِسْفَـه أقاويـل الجهال
والجهل : إن قلت عن نفسك كبير

والخطر : لا صار ما عندك مجال
والبلا : إن صرت معدوم الضمير

والعجب : لا صرت تسأل منهو قال
والتعب : إن كنت تِبْحَثْ عن مصير

الغنى : بالنفس ما هو راس مال
والفقر : من كان .. بأعماله فقير

يكفي يكفي .. أسئله إنهي الجدال
ويالله علمني عَن .. السِّر الخطير

ما أبي تضرب لي في غيرك مثال
قول : عنِّك وإعتبر سِرِّك في بير

جات طعنـه مِن جنوبك والشمال
يعني وضعِك بين مِن حُولك خطير

صاحبـي وإن ضاقت بعينك ليال
لك فرشت القلب مفروش الحرير

في [ بلاد الحلم ].. ممنوع العقال
والمصيبه الشعب ما أختار الأمير

وما ألومك .. كان شدِّيت الرحال
دام بيتك جرح / وفراشك حصير

هذا تعريفي إلى كلمة : مُحَال
شي ودِّك فيه ولا يمكن يصير ..!

قصيده رائعه جدا
اشكرك على طرحها

دمت بخير وعافيه

تسلم خيوو دمت بود

مبدعه لاخر درجه من الابداع
بنتظأأأر جديدكِ
لاتحرمينا يالشاعر ه
دايم الدوم اتبع حرفك ِ
.
.
.
همس الغلآ

تسلمين لي والله هذا من ذوقك <<<ماتدري وش تقول احرجتيني
دمتي ياغلاي بصحه وسلالالامه