صراحتي ياهل الوفاء عاقبتني

صراحتي ياهل الوفاء عاقبتني


الليل والذكرى على ذيك الاطلال
تنهدت من حرها واجذبتني



على قصيدة حب تشرح عن الحال
يوم الليالي من عناها سقتني



ترسم معانيها مع الحلم تختال
بس انها طاحت بعد ما دهتني



برق الفراق اللي له ايام شعال
وعواصفه من قوها ضيعتني



الحب ما ينفع معه صبر وجدال
صواعقه مرسولةً تحت متني



على الفؤاد اللي به الشوق مازال
في لحظة الذكرى غرابيل جتني



قلبي صبر بس البلاء كان به طال
اكتب على القرطاس عنوان حتني



مدرى هجر او هو تناسا ورحال
اللي بماضي عهدها قد عطتني



نشدت في لندن وباريس وريال
والمانيا واخبارهم ما لفتني



بعده لفاني بالخبر عنه مرسال
بانجلترا بالمزرعه . ناسيتني



متبختره تملك ملايين واعمال
حسبي عليها بالغلا دهورتني



وانا الفقير اللي عديماً من المال
ياليتها لو بالسلف معطيتني



حتى ولو جتني كثيرات الاموال
في عدها في شيلها مبلشتني



ما املك سوا ثوبي من العام واعقال
وغتره وطاقيه بها ساترتني



لاني قنوع ولا اعرف الكذب واحتال
صراحتي ياهل الوفاء عاقبتني





اتمني من الله تــــــعجبكم القصيده مـع التنسيق بالصوره

مـ/نـ