بيت بيت وزنقه زنقه ودار دار

طال انتظاري وانتظاري غير وانا انسان غير
والشوق مايرحم ولا عمرة سمع بالانتظار



يشن غاراته على قلبي وانا وضعي خطير
بشرت قلبي بالهزيمه والبشر توء النهار



كتبت لك مكتوب ورسلته على جنحان طير
فيه اعترافي بنكساري قبل وقت الانكسار


ورسلت لك في داخل المكتوب والظرف الصغير
حاجه ثمينه مقدر ارسلها لغيرك بختصار


ما ظنها تطري على بالك ابد مهما يصير
منها بتعرف ليش انا ما ذقت طعم الانتصار



ارسلت لك قلبي وهو ملفوف في قطعة حرير
تخيلي انسان ماله قلب يتحدى الكبار


اوقف وسير وطيح من ثاني وواصل فالمسير
واقنعكم اني فاليمين وباقي العالم يسار



اشبه معمر ليبيا في حرب تحديد المصير
تصريح واحد بيت بيت وزنقه زنقه ودار دار



اضحك وانا خايف وداري الخوف قي عين الوزير
ريس على الفاضي ولا حولي مشير ومستشار



ياهملالي يابعد حالي على شئم النذير
الدوله انهارت وكرسي الملك مدري كيف طار



الوقت مايرحم ولا يعرف غني والا فقير
من كارثه في كارثه ومن انهيار في انهيار



اللعب هجوم اللعب دفاع اللعب جناح اللعب ظهير
خلك حكم ساحه حكم رابع حكم خلف الستار


شارك مع القصبي مع السدحان في مشهد مثير
اذا نحفت اسمك نزار اذا متنت اسمك هزار


في كل وضع الشوق ما هو راحة القلب الكسير
والعشق الاسطوري على من يعشق اسطورة دمار


ودعتك الله والوعد قدام لو مات الضمير
شكواي لله اللي يحدد لي ولك جنه ونار


‏ انسي سعود الحب الاول صاحب القلب الكبير
انسيه ونسي رقم جواله وهذى اخرقرار

كلمات
سعودالمالكي

حياك الله اخي سعود المالكي
وصح لسانك سعدنا بوجودك بيننا

صح لسآنك

ع آلكلمآت آلجميلة

لك تحيآتي وتقديري




أمـيرة آلــورد

حياك الله اخي سعود المالكي
وصح لسانك سعدنا بوجودك بيننا