البارحة.. من ضيقه الصدر محسوس

البارحة.. من ضيقه الصدر محسوس

غابت علي الشمس في راس قمه

رجلي على جمره و كبدي على موس

عامين و الثالث على آخر متمه

صديت عن وادم به الحبل ممسوس

وعن وجه بن عمٍ يهين بن عمه

ادري بمسيري عكس والدرب معكوس

وادري ان سلاح الداب نابه وسمه

ما قلت جعل الروس تفدا لها روس

اقول وجهٍ تمدحه لا تذمه

ماكل جاسوس بسميه جاسوس

لو نعرف اللي كلفه بالمهمه

لكن بيت النمل والذر والسوس

ماهو بيت اللي كبيرٍ معمه

الناس نبت بروسها ريش طاوس

تفاخروا لين انكر العبد عمه

تنومسوا في شي ماهوب ناموس

مثل الصلاة اللي على غير يمه

اللي معه دفتر سنادات وفلوس

ويرهن مقابلها كرامه وذمه

يعطيك في الحسنى ندوات ودروس

ويصرف لك الاخلاق من راس كمه

ان عاف ماكن الطمع فيه مغروس

وان طمع في حاجه نسى ابوه وامه

ما نوس يا لوادي و لا انته بما نوس

مهم ولا فيك حاجه مهمه

اللي على جالك يصيدون جاموس

واللي وراهم ياكلونه بدمه

ذيابتك نجسه وفيرانك نجوس

وإن طحت بين يديه وداك فمه

أصنام تبنيها نصارى وهندوس

على قبور الانبيا والائمه

يا مملكة صدري من القوس للقوس

من لا يهمك لا تشيلين همه

جد الولد منحوس وابوه منحوس

جا من ظهره وقال لبليس سمه

اهون علي اعيش منفي ومحبوس

ولا ينبعث ريح الخيانه واشمه

ماني بدايم رايق اخلاق وهجوس

وإن ما ضويت بكارثه جبت امطمه


الشاعر .. مدغم ابو شيبه

https://youtu.be/vSABOBdkK5k

احساس رائع

وسلامتك يالغالي من ضيقة الصدر
تسلم يداااك على القصيدة
والله يعطيك العافية
دعواتي لك بالخير

المشاركة الأصلية كتبت بواسطة ريحانة الطيب

احساس رائع

وسلامتك يالغالي من ضيقة الصدر
تسلم يداااك على القصيدة
والله يعطيك العافية
دعواتي لك بالخير

سلمتي ودمتي يالغاليه
ريحانة الطيب
الله يسعد قلبك وروحك الطاهره
اشعدني مرورك العطر
لك مني أجمل تحيه وتقدير لاعدمتك

بارك الله فيك على الموضوع الرائع
اشكرك جزيل الشكر
كل الموده والتقدير

العزيز الحمدان
تسلم يداك على الطرح القيم
تحياتي الوردية ...
لكـ خالص احترامي

أخي العزيز الحمدان
شكرا لك على هذا التواجد الفعال
والمشاركات النافعه والمفيده
فبارك الله فيك وجزاك الله خير

اهلا بأخي الغالي ومديرنا الرائع
ابو تركي
وهلا بالجميع
اشكركم على تعقيبكم
وتواجدكم بمتصفحي لاعدمتكم
لكم مني أجمل التحايا واطيبها