| الخواطر والقصص والروايات يهتم بالخواطر والقصص والنثر التي من نزف الأعضاء |
|
|
أدوات الموضوع | إبحث في الموضوع | انواع عرض الموضوع |
07-07-2007, 04:28 PM
|
#1 |
 |
قصة شايب يحب البنات
بداية القصه عن شايب اسمه حمدان وهواوي ( قلبه خضر )ما يشوف بنت الا ينفتن... ومشهور بانه حبّيّب وكان فيه بنت ملكعه وصاحبة مقالب--->>>قالت في نفسها انا ليه ما اروح للشايب وامزح معه واضحكه شوي واشوف ردة فعله كيف تكون ... راحت له وسلمت عليه كيف حالك يا شايب رد عليها --->>> وعليكم السلام والله بخير الله يعافيس وفجأه عطته ظهرها ومشت ولا استإذان ولا شي ..... ولع الشايب من حركتها ... ثم قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت باخوي حمود اللي في قبره ويذكر التاريخ واليوم اللي قابلها فيه ... يقول الشايب : يا بنت اخذي خاطري وارحميني ...... لا تجرحين العود بعيونك السـود غضي نظرك وغطي الوجنتينـي ...... لعل يومٍ جدد الجـرح مـا يعـود يوم انتهى مع مرمسات السنينـي ...... جتني صواديفه على غير مقصود باول شهر عشره نهـار الثنينـي ...... حمدان مروا به على جنازة حمود البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره وعلى باله ما خذ راحته في التغزل . ردت عليه وهزأته تقول البنت يا شايب الرحمن وينك وويني ...... عزي لحالك قدمك الباب مسـدود قلبك عطوف وجاه قلبٍ متيني ...... والبنت ما تشفق على مغازل العود حبل الرجا مقطوع بينك وبيني ...... مثل الغليث اللي رعا قلبه الـدود اقفى شبابك والعرب مقبلينـي ...... يا عود ما يرجع من العمر مفقود حطمت حمدان يوم قالت له انك عود وان الشباب ما يرجع وان ما فيه امل تعطيه وجه .. حس العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه يقول الشايب : يا بنت صدي بالعيون الظليله ...... لا صد عنـك الله نهـار القيامـه مالي ومالك يالفروع الطويله ...... لو فيك من رسم البـداوه علامـه يابنت ما لي بالثمانيـن حيلـه ...... اهدف كما تهدف على البير قامـه اقفى شبابي والدهر شفت ميله ...... يالله حسـن الخاتمـه والسلامـه اعطيك موجز والبضاعه قليله ...... واخذت لك من صافي الماء سنامه بعد فتره مرته مره ثانيه ورمت عليه السلام واستفزته وراحت وخلته وولع الشايب.. وقال ليه ما ابين لها في كم بيت انها بتشيب مثلي واني رجال طيب وان الناس تنصاني ومعروف بالكرم واني ما ابي منها غير التحيه والترحيب ... يقول الشايب : يا بنت ما جاس الكبر والخشونه ...... وعادت شباب اليوم يجفل من الشيب ياسرع ما وبلك تمزع مزونـه ...... يالفاتنـه يـا ام الثمـان الرعابيـب يا بنت ما بيني وبينـك مهونـه ...... كلمة شرف نبي تحيـه وترحيـب الله مـن عـودٍ ثقيلـه طنونـه ........ ينصاه راع المشكلـه والمواجيـب على الكرم والدين نفسه حنونه ...... تلقاه بالاجـواد شـرق وتغاريـب جهز الابيات وارسلها مع عجوزه ووعد العجوزه بهديه اذا وصلت الرساله لها راحت العجوزه وعطت البنت الابيات شافتها البنت وقفلت على العجوزه في غرفه وقالت مثل ما جيتي بابياته ترجعين بأبياتي ... العجوزه مسكينه قالت طلعيني ولا ابي منكم شي الله لا يعودكم انتم واوراقكم ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف تقول البنت : العود عود وطايحـاتٍ سنونـه ...... من كثر ما يرقد على جرة الذيب عودٍ مهرقل والعرب ما يبونـه ...... ياعود ما لك في طويل المراقيب اقفى شباب العود راحت حتونه ...... مثل اليتيم اللي بكا ما له مجيـب جداه ينثر دمعة ٍ مـن عيونـه ...... غريق موجٍ ما لقا له مقاضيـب ودمـتــمـ بـخـيـر |
|
|
| أدوات الموضوع | إبحث في الموضوع |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| ابن صاحب | فاطمه القرني | بـوح الـقـصيد للشعراء الأعضاء | 7 | 07-18-2021 07:59 PM |
| شايب ما له حل | ريحانة شمران | الضحك والفرفشة | 2 | 08-13-2019 06:32 PM |
| البنات تفاحات | القاضي | المنتدى العام | 12 | 01-05-2010 11:55 AM |
| البنات تفاحات | ابو رؤيا | عالم حواء | 13 | 10-22-2008 08:19 PM |
| هل تحبون البنات ؟ | المطاعي | المنتدى العام | 6 | 08-30-2008 06:29 AM |
العرض الشجري