يالاول ...

السلام عليكم

مساّكم الله بالخير

البدع /

الاوله طلبت الله عد نبت الورود
والثانيه يا سلام الله لكم من ضمير
تسليمتن وآصله شمران درع الجنوب
يقولها ولد بن مفراص وقت اللزوم
واهل الكرم و السعد حنا بناجي لها

صح لسانك وبيض الله وجهك
يالمعاوي وننتضر الشعار يردون

يالله حيه في بيته

وبانتظار الشعار وياليتها ان مكن رباعيه

يالله حيه ارحب يالمعاوي والله يقويك

وبإذن الله الشعراء يكونون متواجدين قريبا

البدع /

الاوله طلبت الله عد نبت الورود
والثانيه يا سلام الله لكم من ضمير
تسليمتن وآصله شمران درع الجنوب
يقولها ولد بن مفراص وقت اللزوم
واهل الكرم و السعد حنا بناجي لها

وعليكم السلام ورحمة الله وبركاته
مرحبا بك تراحيب السيل
الرد
يامـــرحبا يــاشيخ فــالصدر والـــورود
يــامـــرحبا بـــالاسم والفعل والــضمير
أحمى على الشارب ودقني وعالجنوب
الحيل مـــايفتر وحيلي تـــــرى عــــزوم
والمملكه فـي رعـايه مـــن بناء جيلهـا

بيض الله وجيهكم

الله يقويكم

احييك يالشاعر (عبدالعزيز المعاوي)
واحيي الشاعر (سيف الشعر)

لي ملاحظة بسيطه على الطاروق في استقامة البيت
يمكن ماتوضح للشاعر سيف الشعر او انا مافهمت الطاروق

تحياتي لكم وتقديري
الله يوفقكم

الاخوان الغالين

صحت ابدانكم

والله يبقيكم و يسلمكم جميع

وصح اللسان الشاعر / سيف الشعر

وانا بأغير الطاروق و القافيه عشان نمشي على قافيه واضحه...

البدع:

البقى يالي ترحّب ولك بيت و قصود

انت شاعر قيف يا سيف و الجار القصير

كل قصراً عالياً له درايش وله بوب

البقى يا شاعراً عاش راسك قبل راسي

ديرة اهل الطيب ياليتي ماشي لها

المقصود بديره اهل الطيب اقصد (بلاد شمران) زيارتكم حق و واجب...

البدع:

البقى يالي ترحّب ولك بيت و قصود

انت شاعر قيف يا سيف و الجار القصير

كل قصراً عالياً له درايش وله بوب

البقى يا شاعراً عاش راسك قبل راسي

ديرة اهل الطيب ياليتي ماشي لها

طيب طيب
السلــع تشرى بنقـــداً وتشرى بــالــقــصود
والدروب انواع فيها طويل وفــــــي قصير
فيه رجل(ن) فيه حكمه وفيه رجل(ن) لبوب
وانا راسي فالمواقف وبن مـفــراص راسي
والمنيمس دون معبر ترى مــــــــا شيلهـــا

البدع /

كل سيفاً يابن الاجواد طاروفه حدود

وصّني ياسيف هذا المساء مثل وصّ غير

ادري ان الكفو شرواك معروف و دروب

حن نحوس الي يعادي ولا حنا نحاسي

الله ياكم من جيوشاً وانا بازيــــلها