قصيدة : يارب خارجنا من النفسيه

أحيانا يحاول الشعر أن يترجم الواقع فربما يستطيع تقديم ما يجدي من الكلمة والصورة

يارب أنا طالبك تشرح بالي
ويارب ترزقني صفاة النيّة

الناس تاهت فالزمان التالي
تركض ولا تلحق وهيّه هيّه

ناس ن حسدها زايد المكيالي
عن الطمع ما شفتها منهيّه

الغيبه أكثر هرجها والقالي
ياويل من شافوا عليه السيّه

وأهل النفاق أسلوبهم متوالي
منهم يصير الخو مجافي خيّه

وأهل المناصب لعبهم بالمالي
هذي جماعيّه وذي فرديّه

بكلامنا العادي وهرج السالي
والشرح والمكشوف يابو حيّه

ألزم لي أقطع لك وخذ يالغالي
بيع المخطط وأنقل الملكيّه

وأبعد سنه وأحذر تقرّب جالي
لا يكشفون أسرارنا المخفيّه

ولا تتصل حتى على جوالي
لحين تنسى الناس ذيك وذيّه

ويانور شوت الكوره أوفر عالي
وأحرز يا ياسر قول من عرضيه

تمضي السنين وما تبدّل حالي
باقي نحاول نقبض الجمعيّه

والمرّ مشروبي ولا به حالي
يارب خارجنا من النفسيّه


بقلمي

صح لســــــــــــانكـ
تالق وابداع

صح لســــــــــــانكـ

رائع وقصيده تحكي الواقع .

يارب خارجنا من النفسيه

صح لسانكـ
قصيدة رائعه وتحاكي الحاضر المر

ملاحظه
ويانور شوت الكوره أوفر عالي
وأحرز يا ياسر قول من عرضيه

اتمنى ان تتمـ اليومـ .. وبالتوفيق للاخضر

قصيدة جميلة وأهدافها سامية وصح لسانك ويارب خارجنا من النفسية

يارب خارجنا من انفسيه

قصيده رائعه بروعة

من قالها

شكرا لك يالغالي ..

صح لســــــــــــانكـ....

يكفي ان هالكلمات من الشاعر سعدعبدالرحمن

فهي تختصر الكثير من المعاني ...

صح الله السانك

اخي الغالي

الشاعر سعد عبدالرحمن

قصيدة رائعة

لامست وضعنا

اسأل الله أن يصلح

حال المجتمع

مزيد من التقدير لكم يصل إليكم بمزيد من الحب ..
ولتواجدكم معي من خلال متصفحي عطر ساحر جذاب ..

بيض الله وجيهكم ولا هنتوا ولا عدمتكم ,,,,,,,