اهداء الى الاخ الكريم الشيخ / علي بن عوضة الشمراني بمناسبة زواج ابنه خالد و الف الف مبروك

بسم الله الرحمن الرحيم

اتقدم بخالص التهنئه و التبريكات لأخي الكريم الشيخ / علي بن عوضه الشمراني
بمناسبة زواج ابنه خالد ولأسرة آل عوضه جميعاً .

.. ..

على وقفة(ن)ماهوب حب(ن) في التلفاز
لكن حب من لا قال لوماتجي باجيك

كرام الرجال اهل الوفاء اللي علي اعزاز
ليا غبت عن مجلاسهم جاك من يدعيك

عليها كسر قلبي مثل كسرة القزاز
لان العذر في بعض الاحوال مايعفيك

لدعوى آل عوضه كلهم اهل المركاز
ولابو محمد قالها صادق يغليك

عليهم سلام فاق وصفه في الاعجاز
سلام الوفاء اللي مايجي حوله التشكيك

وعذر(ن) يقدم كان يابومحمد جاز
فمثلك كريم ويقبل العذر من اخيك

ياشيخ العرب ماكل من قال فايز فاز
لكن انت فايز كل طيب لقيته فيك

ومن دور الاثبات ينظر في الانجاز
عسى اللاش فدوه ياعلي من تحت رجليك

اقوله ونا لاهل الوفاء دايما(ن) منحاز
ليا من غدا لك ذكر ولاحظر طاريك

حداني الزمان يلين ثالثني المعكاز
وبعض العرب لاشافني قالي وشفيك

يحسبون شلان العصا ضعف او استرزاز
وهي والله ان لاهيب هذي ولاهذيك

اشيل العصا و السيف ومحرزه باحراز
ولاعبت في يمناي مع ربعي البلجيك

ومثلك معنزني وشرواك لي معناز
يمينك يميني جعل ولد الردي يفديك

عوين الرفيق اليا غدى بين نار وقاز
وفعلك عن الاقوال يشهد لك و يكفيك

خواطر على قلبي لك اوردتها في اجاز
وباقي علومي لا لفت ترضيك

.. ..

والسلام عليكم ورحمة الله وبركاته

صح الله لسااااااااااانك اخي الحبيب

[motr]ابو نايف [/motr]

ابدعت ويستاهل علي بن عوضة

وكل آل عوضة

صح لسانك اخي ابو نايف ويستاهل المدح بن عوضه وآل عوضه
لاهنت

صح لسانك يابونايف على روعة هذه القصيده
ويستاهل الشيخ علي بن عوضه
تقبل مروري

صح لسانك ملايين يابونايف

قصيدة وافيه من وافي وكفو وراعي الاولات والتاليات

ويستاهل الشيخ علي بن عوضه متعه الله بالصحه والعافيه والسامع

ونبارك لولده خالد الزواج والله يجمع بينهما على خير

تحياتي ودمتم سالمين

صح لسانك اخي ابو نايف ويستاهل المدح بن عوضه وآل عوضه
لاهنت

دائما مبدع أبا نايف

وفقك الله لكل خير