سالفه وقصيده

يعطي العطا من كان ظاري بالعطا
ويهاب العطاء من كان خاله لاش

يقال ان هناك شاب تعلق بحب فتاة من الباديه كانت تقطن مع اهلها قربهم ولما جاء الربيع رحلوا
عن المكان الذي هم فيه ..
وقام هذا الشاب وقال لوالده
أريد أن أتزوج فلانه بنت فلان
قال له الوالد :
يا الله توكلنا على الله لبوها
ونخطبها منه
وفي الطريق وجدوا شخص مسكين
انقطعت به الدروب وبان عليه الجوع
والعطش ويطلق عليه في ذاك الزمان
( الدرويش ) وقد عطفوا عليه
وأخذوه معهم الى أبو البنت
( معزبهم ) ولما وصلو عنده
بالليل قرابة العشاء قام بالترحيب
والقهوه ولكن لم يذبح لهم ذبيحه
أو يكرمهم حق الإكرام .....
المهم .... لما جهز العشاء ( قرص ) قام المعزب بكسر قطعة صغيره ورماها على الدرويش
وقال له كل هذي
وقام المعزب بتنضيف باقي القرص
وحط عليه السمن واللبن
واكلوا إلى أن شبعو وبقي
قليل من القرص في الصحن .
قال المعزب للدرويش
خذ باقي القرص تعش ،
قال شبعت .. قال كيف

قال : الدرويش

شبعنا وشبع الذر من سورنا
وللذر من زاد الرجال معاش

يعطي العطا من كان ضاري بالعطا
ويهاب العطاء من كان خاله لااش

.وأوقد علي نارك من صم الحطب
ولااتحط عليها من الشعيب قشاش

من لايعرّب منسبه قبل منشبه
تروح عليه المقبلات بلاش


بعد ماقال الدرويش هذه الأبيات ..
قال أبو الولد لولده يا الله مشينا
قال وين يايبه قال ما سمعت
قصيدة الدرويش :
قال إلا وش فيها ..
قال يقول عن عمك الي تبي
تاخذ بنته ردي
ولو خذيت بنته جاء ولدك
ردي مثله قال الولد أفا يبه

وصارت القصيده مضرب مثل