نفح النسيم🌹

نفح النسيم

مقرن بن متعب الهرف

يوم هب من الهواء نفح النسيم
فالخلا الخالي وبالي مستوي
حرك الأشجان وإحساس قديم
جدّد جروحً وصارت لي خوي
قامت الأفكار تاخذني وهيم
انظم بيوت القصيد المحتوي
من صفات الزين والعنوان ريم
الحياء والعلم والساس القوي
ناعم الخدين في الليل العتيم
يضوي العتمه عذاب المهتوي
في عيونه ذابحات المستهيم
لـ رمشت قلب المتيّم ينكوي
عندليب ألحانها عبدالحليم
غنوةً بوتار صوته ترتوي
ينبت الصدر القفرْ بعْد الهشيم
من رياض الورد وزهوراً حوي
يسفهل الخاطر اللي فيه ضيم
والمسافات البعيده تنطوي..