رساله قصيميه ........ اللي فهم شي يقول

السلام عليكم ورحمة الله وبركاته ، وبعد :



خطتس اللي كزيتي وصلن وفرحت بُه .. وكثر الله خيرتس على المقطع والغدفة اللي كزيتي لي ، وابشرتس أن اخبارنا تسرتس .. البقرة أضنت ، والبيض فقش ، والدجاجة الرقطا راجن ، وان ادحيم العلي أعرس ، ونوّير مخطوبة ، وعويش فطمناه ، وطريفة رفّعناه من السقاط ، وصويلح شراله دنانة ، وسليّم ختم المصحف ، واعزيز الصالح طاب من الطنان ، وبريه ولد رقية بدا يحبي ، والحمد الله طاب الجحام اللي بعينه ، وانتي صاتزه حطينا عليه تبنه ، وحصيصة طابت اقطوفه اللي براسه ، ومنيرة مشطناه بوردة ، وأم دريحم طلعت من الماجب ، وتممنا لدريحم ، والنعال الزنوبا اللي تخبرين عندنا هاك السنة خطناه ، ومقطع الروز خبناه ، والدوشق غيرنا قطاعته ، والسفرة الكبيرة علقناه بالقبة ، وحطينا بيت للرادو ، والمصحف حق عمي غيرنا ثوبه ، والسراج زينا فتيلته ، والزبيل مليناه حتات من إنخلتنا ، وشرينا سحارة ولقيناه مكسورة .. وبقولس إني مع هالحمولة غاديتن حوسة ، الطاية تخر ، والمثعب منشق ، والقتالة منقلعة ، وباب الروشن منكسر ، والتسوله مسنيّه ، وبريتز الغرش الصغير منقشع ، والله يهديتس .. يا أم دحيم .. البزار اللي كزيتيه شوي كركمُه ، والمسمنة تقل رماد ما به ليمون ، والفتيت مسري ، والكليجا تقل عظامة . واذا بغيتوا تكزون شي .. كزوا شي يبل الريس ويواجه عند الحمولة . معكم علم ان حمولتنا ناس ينقدون بتلة . وخالتي بس تشره ، وعمتنا حقنة ما يجوز لها الشين ابد ، وحريم عمومتنا صرت اثم لهن ، وجذعانهم فرقا عين جدي شيبان كبري يترددون على هالجصة أقضو تمره تقل دبا ، وأنا ما ودي أطول عليتس الحتسي عسا ما يخلين منتس ، ولا من جناين قلبتس ، لاخلا ولا عدم وسلميلي على من نشد عنا ، وأخص بالسلام لطيفة وهيا وقوليلهن والله ما خلان أقصر عنوتي عنكم وأشوفكم إلا اني عويجزة ولاصقه على ظهيري وضليعاتي ومارخة كتوفي ورجيلاتي بالفقس .. ومعتس علم هالارياح يعودنن بتلة ومع هالبراد صايلات علي يالله حسن الخاتمة والعمل الصالح .. وسلمي وأنتي سالمة .

:O_o:

:O_o:

:baaa2:

يعطيك العافية أختي همس الشوق

تحياتي واحترامي

بسم الله الرحمن الرحيم وش ذا الحمد لله على كل حال والله انا احسن من غيرنا اجل وتسلم ايديك على القصة مدري القصيدة ذي؟

هذه اللهجة جميلة عندما تسمعها من أصحابها وخصوصاً عندما يكون هناك مزاح بين اثنين وينطلق كل واحد منهما على سجيته ليأتي بكلمات في غاية اللذة والجمال .
وهذه اللهجة هي ماأتفق العرب على تسميتها بالكشكشة والكشكشة هي الإتيان بحرف الشين أو حرف السين في أواخر الكلمات .
تحياتي لك همس

المشاركة الأصلية كتبت بواسطة hasan الشمراني

هذه اللهجة جميلة عندما تسمعها من أصحابها وخصوصاً عندما يكون هناك مزاح بين اثنين وينطلق كل واحد منهما على سجيته ليأتي بكلمات في غاية اللذة والجمال .
وهذه اللهجة هي ماأتفق العرب على تسميتها بالكشكشة والكشكشة هي الإتيان بحرف الشين أو حرف السين في أواخر الكلمات .
تحياتي لك همس

انا معاك كثير حلوه من اصحابها

تقبلي مروري ياهمس ويعطيك العافيه :mo13: عجبتني عشان امسكها على ناس اغليهم قصمان:Emo_27:

الحمد لله صاحباتي اغلبهم قصمان وعسل وافهمهم :18: :mo13:

تحياتي لك همس

والف شكر على الموضوع

مع انك تعبتيني جلست ساعة

أقرا وأفسر وفي النهاية توصلت

إلى معلومة مهمة هي إني



































لم أفهم شي