ماعاد تفرق

السلااااام عليكم


جديدة للتوااااااصل...


ماعاد تفرق من الاول من التالي
لاغاب صوت الخفوق اللي توحيته
خلوني اسج في دنياي بلحالي
ياوجد حالي على حال ٍ تمنيته
من عقب ماشابت احلامي من امالي
عليك ياللي طغاك الحسن واطغيته
قالوا علامك تجر الصوت وتلالي
قلت الشعور انتخاني عقب مـ نخيته
اقضي عن النفس بعض اللي تهيالي
ولاّ ضميري ترونه قاضبٍ بيته
خلاص كبروا على موالي عيالي
وانا أدوّر قضاي ٍ ماتقاضيته
واستغفر الله من شوقٍ على بالي
ابطى وعيا علي الجاه تلبيته
احاوله بالذي واحتال واحتالي
لكن بعض الغلا صعبه تواقيته
غروٍ غزاني هواه وبعثر احوالي
عناني وانا دخيل الشوق عنيته
رقمه مخزن هنا في وسط جوالي
لا والله الا حفظته كثر دقيته
البارحه يوم كان الوصل متتالي
مع كل هبة هوى تنساب حييته
واليوم لاهب ذاك الشوق في بالي
اضرب على الرقم وآقفل مـ تمّيته
ويحط فيني الهوى مره ويشتالي
واحط به قاع تفكيري لا شليته
يبطي وهو في ضميري واحدٍ غالي
وابطي عظم لو بحاول ماتناااسيته
صديت والقلب يطلبني ولا ابالي
لا والله الا أبالي مير صديييته
وانا شماغي ترزه رزة عقالي
لو لعبت اطرافها بالجو ماشيته
وماعاد تفرق من الاول من التالي
باب المحبه خلاص اليوم صكيييييته



تحياااااااااااااااااااتي