قانون واضح .....

قانون واضـــــــــــــــح مايبي أي تغيير
الحب ميت من زمـــــــــن والوفا ضاق
روتين من كذب وخداع أبصورة الخير
نفاق فاضح والعـــــــــرب طيبها أنباق

كم كنت متفائل وفيـــــــــــني الأمل بير
أسقي ضــــمى ناس عزيزه بالاشراق
لكن ذا الليله حضــــــنت الياس تبرير
لكي أوضح مســـــــــأله تقطع أعناق

النفط له تكرير وللحـــــــــــــسد تكرير
بقلوب سودا دمـــــــــــها سم وحراق
والشي ذا يقــــــــــهر أقارب لهم سير
عصا نفاق القــــــــوم في دمهم شاق

وكم لي أراعي الصــــلة لكنها أتطير
كون أنهم ناس بلا ديــــــــن و خلاق
ياخاطري أركد أبي منـــــــــــك تقرير
إلى متى تهــــــتم ترى القلب قد فاق

عرفت منه كالمـــــــــــلاك دايم أمنير
وعرفت وين ابليس في عمق الانفاق
عشت أبزمن مقلوب وصحابها الكير
الكل له نظره وفتـــــــــــــوى (ومنهاق)

هذاك ليبرالي ســـــــــعى يبغى تحرير
والمراءه عزمه والمشـــاريه ترتاق
وهذاك متطرف سواليـــــــــــف تكفير
اعمى البصيره كم يعانـــــي وكم ذاق

عشت ابزمن مقلوب وصحابها الكير
الكل لــــــــــــه نظره وفتوى (ومنهاق)
ياخاطري أدري كــــــــــم خانك أكثير
أقراب تزرع الفتـــــن شيش و خناق

نسوان تشعل الفتن ورجالها أتصير
أذناب وقيمة الرجـــــــل حبر ووراق
غيبه ونميمه والمـــــــشاكل لنا أتغير
والغزوا فاضح والعقارب لها اسواق

صار الفرح في دمهم بتـــعاسة الغير
وكم سببو من المــــــشاكل والافراق
منهم عريس اليوم يصبـــــــح بتطهير
يموت غبنه وزوجته اتمــوت بشواق

مع الأسف حال البشر محتاج تشفير
ونحتاج ندعـــــــــي ربنا فالله لنا باق
ياخاطري إنا مع العســــــــــــر تيسير
ورفق ترى ضغطي من اعوام بطقاق

كانك في زود لاتزيــــــــــــد المعاسير
النفس ملت من همــــومي بالاعماق
تبغى الصحيح ساير على كل تقصير
وبغمض عيوني وطلب الصمت إلحاق

كلمات : ماجد بن عبدالله الهزاع
بحر النديم
1433-1-17هـ