يالله تجبر خواطرنا💔

قصيدة ابن الشهيد
يالله تجبر خواطرنا





افتقدناك يا أبويه ونبكي من الفراق ونحزن
غير تجبر خواطرنا اذا قالوا ابوكم شهيد
دون حد الوطن ضحى بروحه يدافع عن بلاده
تحت راية الاله الله سمعاً وطاعه للملك
اتعالى على نفسي وامسح دموعي واتفاخر
ان ابويه بطل واني انا اليتيم ابن الشهيد
غير حزت بنفسي لحضة العيد يومك منت معنا
يوم كلٍ مع ابوه معيد وحنا بلا ابو
ولد جيراننا فرحان لابس ثيابه راح صلى
ايده بعدين ابوه عيديته والهديه في يده
يحضنه ابوه واسمع ضحكته واتذكر ضحكة ابي
يوم كنت احضنه ويشلني فوق رأسه ومنكبه
قلت في نفسي الله يخلي ابوك لك ويرحم ابي
وانا فالباب انظرهم ودمعي على خدي جرى
ودي ازهم عليه واقول ياعم اسالك وين ابويه
غير ماودي انكد عليهم واخرب عيدهم
ادري ابوي ميت وان هذا جوابه على سؤالي
غيركنت اتخيل ان ابي حي وانه بن يجي
اه يابه ياليتك بن تناظر عليه تشوف حالي
والا ياليتنا يابوي متنى سوا وابقى معك
والله اني بدون ابوي عايش بلامعنى وقيمه
الحياه اظلمت بعيوني وأصبحت انا اعمى بعد ابوي
وامي واخواني اصبح حالهم مثل حالي يمكن اردى
يالله تجبر خواطرنا ويالله ترحم ضعفنا
الملك ولي العهد م قصروا معنا عطونا
عوضونا وراعونا ولكن ماسد العوض
حاجتي في وجود ابوي والمال مابيسد حاجه
وسط قلبي فراغ بغير ابويه ابد
مايمتلي
شعر:فاطمه القرني