منتديات قبائل شمران الرسمية


منتدى الشاعر علي بن مسفر الشمراني أخبار شاعر شمران ابوفيصل وجديده ومحاوراته وقصائده وصدى ألبومه الأول وغير ذلك هنا

 

 
أدوات الموضوع إبحث في الموضوع انواع عرض الموضوع

قديم 04-21-2007, 03:27 PM   #1
المؤسس الأول وصاحب الفكرة
 
الصورة الرمزية عايض الشمراني
 

عايض الشمراني is on a distinguished road
افتراضي قصايد الشاعر على بن مسفر الشمراني

قصايد الشاعر على بن مسفر الشمراني العرضه والمناسبات

سوق الأسهم

البدع:

قبل عامين كنت انام مرتاح ماعندي هموم
لين جاني صديق وقال ياحسبك الله وين رايح
العالم يكسبون من الملايين في لمح البصر
قلت وش قصدك بكسب الملايين قال القصد واضح
ادخل بسوق الاسهم واكسب بكل سهم مية ريال
قلت ماعندي الاراتبي منه مصروف المدارس
وايجار البيت والباقي فواتير ماء وكهرباء
قال هذي بسيطة رح الى البنك واطلب قرض عاجل
حول الراتب اعلى البنك والبنك يعطيك النقود
رحت للبنك ماصدقت روحي وافكر في الدراهم
وانا احسب الفوايد واحسب مية ريال بمية الف
المهم اني اخذت الدراهم ولاصدقت حالي
وشفت حالي ولا اسلم على الناس غير مجامله
اشتريت اسهم بسلفه من البنك لين اصبحت تاجر
شهر كامل وانا تاجر ومن قدي الا الراجحي
وقمت افكر ببرجن فالعليا وبرجن في الخبر
وبعد شهر الفرح جاءاليوم الاسود لجماز السحيمي
هبط السوق واحلامي تتطاير مع ادراج الرياح
طار كل الرصيد وراتبي طار والتفكير طاير
ومن دخل سوق الاسهم طاح ماواحدن سماعليه
حسبك الله يامن قال في سوق الاسهم فايدة
فياهوامير سوق المال ياريس السوق السعودي
اعطوني راس مالي واحلقوشاربي لوعدتها
اعطوني راس مالي واحلقوشاربي لوعدتها

الرد:

انت لاتحسب اني يوم اجاملك ماعندي هموم
ولاتحسب ان ديرة راعي الشر للمنفين رايح
اغلى مايملكه الانسان في ذا الزمن لمح البصر
والقرار المنفذ ماصدر للعموم الامدارس
وانت ياللي سمعت اصداه تزهم وانا منك كهربا
لوحصل ظروفن طاريه قم وصل الفرض عاجل
لان هذي فريضه من تركها تعرض للنقود
الله كم واحدن مظلوم لوتنشده ياكم دراهم
لو شرح لك تعرض في حياته هموم وميت الف
لكن المومن الصادق بصبره شف اهمومه تحالي
قلبه احتاط بالايمان والصبر والمنجامله
والله ماهو من اللي يعشقون المكاتب والمتاجر
وقدر راعي القناعه عند رب البريه راجحي
ومن لو يجيه العلم لازم يدقق فالخبر
لكن الموت لامن جاك من ينقل اخبار السحيمي
جعله الهم والحمى تتطاير مع ادراج الرياح
وليت عقل المنافق يخطفه من قفاه الفين طاير
والعاقل يدري من نافقه بالذات من نافق عليه
واقلت يارعي التصوير والدبلجه بك ياسعودي
الصوره تظهر افضل بعد تكراراها لوعدتها

***************************************
ابن مسفر قال بسم الله نبد قبل مانقول
بعدها اصلي واسلم عالنبي الهاشمي العدناني
حظ من صلى عليه وحظ من يشفع له النبي
وياسلام الله سلامن غالين يظهر من اقصى الخاطر
ياسلام الله على كل القبيله وعلى الضيوف
جينا يابوغازي الليله نشارك فالفرح ونبارك
والنوايا طيبه والقدر وسط العين وعلى الراس
انت ونعم والذي شرف غناتي قدر غازي ونعم
واله ان الشك زايل والثقه مابيننا ميزان
الف مبروك لكم ياغازي ومبروك يابو غازي
ومن تجمل في مواقيفه عسى ربي يجمله
****************************




بسم اله نبدالقصايد والصلاة على نبينا
بعدها يامرحبا يامن حضر من كل بد وديره
عند رمز القيف مسفر عاش مسفر راعي الاوله
رمز شمران العناصي بيض الله وجه بوعلي
كل يوم وكل شهر وكل عام ولا اختلف بن عوضه
لاغرابه لوتجمل بوعلي هذي عوايده



*************************************


لامتى لامتى واحنا نصدّقــك يا كــــــوفي عنان

فعلاً من صدّقك مثل الذي صدق أخبار الجزيره

القـــــناه التي تســــــــعى لتــــــفريقنا وإعــدامنا

كل يوم تـــــقول ان مجلـــس الامن ميزان العداله

وانت فـــكرك يهودي كيف يمكن تساعد بالسلام

لكن يجـــيك يوم مثل وجهك تشوف به المصايب

وانـشا الله ينتصر الاسلام ويخيب تخطيط اليهود

وانشا الله نرفع الرايات بالقدس ونصلي بالاقصى

والأمل فـــيك بعد الله يافـــهد تنــهي ظــــــــلمها
والامل فيك بعد الله يافهد تنـــهي ظلــــــــــــمها



***************************************

سجل يا كاتب التاريخ واكتب بماءٍ من ذهب

سجل أمجاد .. دولتنا وسجل مواقف مملكتنا

وسجل إن الفهد هو فارس الركب من عشرين عام

راعي الأوله .. بو فيصل الله يطول في حياته

عزّ راية بلدنا .. لين رفرف بها فوق السحاب

كل منكوب في العالم فهدنا يخفف من مصابه

والكوارث يخفّف وقعها حين تاجي شعبها

يكفل أيتام ويحجّج فقارى ويأوي التايهينا

واعتق رقاب من تحت المهند قبل قصّانها

خدمة الدين والبيتين رمز الفهد فوق البسيطه

كل شعب السعوديه ينادي له أبطولة عمر



******************************


يالله اني طلبتك دلني فانت حي ماتنام

والصلاه عالنبي المختار سيد البشر راعي الرساله

هو محمد حبيب الله راعي الهدايه والســــلام

انك يالله تهديني على كل علم ناوي انبه

فانت قادر على تسيير الارواح والراعي بها

وانا عندي نصيحة حب توصل قلوب السامعينا

هي قضيه تهم اللي كبير وتوصل للصغير

احنا من حقنا نفرح وكل يعبر عن شعوره

واحنا من حقنا التشجيع للنادي اللي نرغبه

وواجب انا ليا فزنا فرحنا يغطي مجتمعنا

وواجب انا نحكم عقولنا نترك افراح الجنون

الله كم شخص شيعناه لاجل التهور فالقياده

والله كم طفل اتيتم وكان السبب فقدان ابوه

والمواتر تسير بحقدها للبشر والقتل حامي

بعضنا فوق سياره ونحسبه كبتن طايره

××××××××××××××××××××××××××
القبايل لها تاريخ وامجاد من ماضي السنين

والمشايخ على روس القبايل شرفها والمعالم

والقبيله لها فرسان ترخص دماها لاجلها

والشاعر هو لسان القيف بيرق على راس القبيله

ويتمدح بربعه مادام ان البشر يتمادحون

فمنهو اللي يجادلني ولوقلت ياشمران ونعم

ومنهو الي يجادلني ولو قلت شمران الشرف

ومنهو الي يجادلني ولو قلت شمران البطوله

ومنهو الي يجادلني ولو قلت شمران الحياه

لو نشدنا الجبال اتكلمت قالت ان شمران هيبه

ولو نشدنا السيوف اعطت لشمران تعظيم السلام

وانا مادمت شاعرهم فيحرم علي الخوف مره

مالك يالخوف منزالآ في ارواحنا وقلوبنا

ويعلم الله لو حسيت بالخوف لو قابلت شاعر

لااعتزلت القصايد دون رجعه ودون مجامله
لااعتزلت القصايد دون رجعه ودون مجامله



عايض الشمراني غير متواجد حالياً   رد مع اقتباس

 

مواقع النشر



أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى الردود آخر مشاركة
شيلة من كلمات الشاعر الدكتور /علي بن مسفر الشمراني .. أداء المنشد سهيل الشمراني.. تصميم “عبيد الشمراني” نسيم الليل القصائد الصـوتية والمرئية 8 06-29-2020 01:41 PM
زيارة الشاعر/ علي بن مسفر الشمراني والشاعر / حمد بن مسفر الشمراني لقناة الوسام الفضائية بتبوك ريحانة شمران منتدى الشاعر علي بن مسفر الشمراني 2 05-01-2019 06:57 PM
شيلة ياجرحي استاذنك كلمات الشاعر علي سعد ظافر الشمراني اداء الشاعر والمنشد مسفر بن شنيف الشمراني المنتظر مل صبره ديوان الشاعر علي سعد ظافرالشمراني 4 02-21-2016 02:16 AM
محاورة قوية قاعة النورس بجدة /الشاعر بن حوقان والشاعر سعد بن عزيزو الشاعر علي بن مسفر الشمراني ابو راشد منتدى الشاعر علي بن مسفر الشمراني 8 06-06-2010 05:31 PM
قصايد الشاعر محمد بن ظافر الشمراني عايض الشمراني منتدى الشاعر محمد بن ظافر الشمراني 19 11-02-2007 01:43 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية