منتديات قبائل شمران الرسمية


بـوح الـقـصيد للشعراء الأعضاء يختص بالشعر الغير منقول للاعضاء المسجلين

إضافة رد

 
أدوات الموضوع إبحث في الموضوع انواع عرض الموضوع

قديم 11-26-2007, 09:48 PM   #1
Photobucket
 

ابو معاذ الغضنفر الأكلبي is on a distinguished road
افتراضي سلام يا شمران

سلام يا شمران من رأس رجال=يعرف حقوق الطيبين ويجي بها
نقولها وكم واحد(ن) قبلنا قال=شمران عز وحظ من يعتزي بها
أهل الكرم والجود وكبار الافعال=صعب(ن) على الشعار تعداد طيبها
جبال ياشمران في قمة جبال=الا نجوم في السما تعتلي بها
كل أبلج(ن)منكم على الطايلة طال=والطايلة ما كل واحد يصيبها
وصميدع(ن) (دعوة) على كل عيّال=يخشى منه نمر القبايل وذيبها
بيوتكم للجار والضيف مدهال=كل الكرم فيها ومنها وقريبها
جيراننا شمران ذربين الافعال=هل فزعة(ن)يوم اللقا يندري بها
يوم القبايل كانت حروب واهوال=قليبنا تشرب ونشرب قليبها
وكم واحد(ن) منّا وله عندكم خال=وانتم قبيلتكم تشرف نسيبها
وأنا من أكلب، وأكلب زحول وثقال=أجدادنا زحول(ن) وحن نقتدي بها
حنا بني تغلب على روس الامثال=هل قالة كليب التي نعتزي بها
أول عيال تحط للخيل خيّال=وشبانها تمشي على درب شيبها
مجد(ن) قديم ومجد حاضر ولازال=المجد في مستقبله من نصيبها
حنا لنا بين السماكين منزال=ودعوة بني خثعم ترانا نجيبها
وحنا هل الوديان والغرس والمال=يوم كانت الغرثان يسمع نحيبها
وحنا هل البل لاتقولون ما قال=بالخيل نحميها ونشرب حليبها
وحنا سوالفنا لها ذوق وجلال=من قال منّا كلمته يعتني بها
هل أرحبوا لاشافوا الضيف في الجال=حفاوة(ن)بالضيف منا حضي بها
ولنا معاميل وفناجيل ودلال=ولاباحت الدلة دفقنا سريبها
قد قالها القناص شاعر وهيال=له كلمة في الكيف ياطيب طيبها
يمنى عدو أكلب كذا تعود شمال=أكلب هل الردات يتعب طليبها
واليوم كل(ن) في ذرا طيب الفال=ابن الامام اللي علومه حكي بها
من الكويت أعمل لها هجنه اعمال=تسمع مع جرد البلاقع خبيبها
ومدت له الجزيرة يمينها ونال=حبيبة فرحت بمقدم حبيبها
وتوحدت في ظل عدله ولا زال=العدل فيها والملك يرتقي بها
هذا هو الواقع وهذا هو الحال=والله يكفينا الليالي وغيبها



ابو معاذ الغضنفر الأكلبي غير متواجد حالياً   رد مع اقتباس
قديم 11-26-2007, 10:03 PM   #2
 
الصورة الرمزية طيوف
 

طيوف is on a distinguished road
افتراضي

يعطيك الف عافية



طيوف غير متواجد حالياً   رد مع اقتباس
قديم 11-26-2007, 10:33 PM   #3
Photobucket
 

بن حمدان is on a distinguished road
افتراضي

الأخ ابو معاذ الغضنفر الأكلبي الله يحييك تحية المطر

بين الرجال اللي ترحب بضيفها وانت لست ضيف

انت صاحب محل اكرر تحياتي لك

((وانا من اكلب واكلب زحول وثقال

واجدادنا زحول (ن) وحن نقتديبها))

كفو انت وربعك



بن حمدان غير متواجد حالياً   رد مع اقتباس
قديم 11-26-2007, 11:09 PM   #4
عضو شرف قدير
 
الصورة الرمزية علي بن محمد
 

علي بن محمد is on a distinguished road
افتراضي

ياهلا وغلا فيك

ومرحبا مليوون بين اخوانك وانت صاحب محل


احترامي للجميعـ



علي بن محمد غير متواجد حالياً   رد مع اقتباس
قديم 11-26-2007, 11:15 PM   #5
عبدالرحمن بن جروان مؤسس ونائب رئيس المجلس الإداري الأعلى
 

ابونايف الشمراني is on a distinguished road
افتراضي

الاخ الكريم ابومعاذ الغضنفر الاكلبي

هلا وغلا اخ عزيز ومن قبيلة عزيزه علينا لها كل الاحترام والتقدير
ولك انت اخي الكريم على حظورك بيننا ثق بأنك بين اخوان لك في منتدى قبيلة شمران
يحبون من يحبهم ويقدرون من يقدرهم ونيابه عن الجميع ارحب بك في منتدانا واشكرك على
ماذكرته في قصيدتك من مدح في قبيلة شمران وقبيلتك اكلب تستاهلون الطيب


مره اخرى ارحب بك اجمل ترحيب
اتمنى ان تسعد معنا في هذا المنتدى فنحن سعداء بوجودك


تقبل تحيات اخوك: ابونايف الشمراني



ابونايف الشمراني غير متواجد حالياً   رد مع اقتباس
قديم 11-26-2007, 11:50 PM   #6
Photobucket
 
الصورة الرمزية ضيف الله العامري
 

ضيف الله العامري is on a distinguished road
افتراضي

مرحبا مليون يابو معاذ الله يحييك واسمحلي بالهبيتين ولو انها لاتصل الى مستوى قصيدتك ولكنها كانت على عجل حيث لايسعفني الوقت في التكميل



يامرحبا واقولها دون الابطال
شمران ربعي كل واحد دريبها
افعالهم تحكيبها اجيال وجيال
نارا على الحراب يكثر لهيبها
وكلب جبالا جالها طول وظلال
والناس بفعال اكلبي تلتغيبها
انا عن اكلب كم تنشدت واسال
قالولي اكلب قوم تمن غريبها
والضيف يلقاعندكم هيل وزلال
قبيلةً وا لمضتهد يلتجيبها
اقولها ونا من ازروب حلحال
العزوه اللي دمها يغتلي بها
لمعقدات الوقت لو طال حلال
لاكشرت اســـوودة الغاب نيبها
انتو وحنا ما ربا بيننا انذال
يشهدلنا فوق المنابرخطـيبها
شمران لاجارة ثقيلات الاحمال
شمران فزعه والعرب تنتخيبها



ضيف الله العامري غير متواجد حالياً   رد مع اقتباس
قديم 11-27-2007, 01:34 AM   #7
Photobucket
 

بن حمدان is on a distinguished road
افتراضي

الأخ ضيف الله العامري بيض الله وجهك على هذه القصيده

الجميله وانت وفيت وكفيت عن

الجميع ويستاهل صبي

اكلب الطيب والتقدير

اكرر لك الشكر

اخوك بن حمدان



بن حمدان غير متواجد حالياً   رد مع اقتباس
قديم 11-27-2007, 12:24 PM   #8
Photobucket
 

ابو معاذ الغضنفر الأكلبي is on a distinguished road
افتراضي

أختي طيوف
أقدر مرورك

الأخ ابن حمدان
أنت شاعر ومبدع وشكرا على الحفاوة والاطراء

الأخ/رحال الجنوب
أبيض وجهيارجل ومشكور

أبو نايف الشمراني
عزيز وغالي وأنا سعيد بتواجدي في منتداكم ياشمران وردت الفعل على حذف مواضيعي من قبل بعض الاخوان لن تؤثر أبدا على حبي وتقديري لشمران القبيلة فأنا من ناس يعزونكم وأكيد انكم تعزونهم
شعورك يا بو نايف نحوي ونحو قبيلتي أسعدني وهذا يدل على سعة افقك

الأخ/ضيف الله العامري
كفو يازرب حلحال
قصيدة جميلة ولا استغربها من شاعر مثلك
وافي أنت وربعك شمران وثنائك على أكلب محل تقديري



ابو معاذ الغضنفر الأكلبي غير متواجد حالياً   رد مع اقتباس
قديم 11-27-2007, 03:39 PM   #9
 

BO BO is on a distinguished road
افتراضي

((وانا من اكلب واكلب زحول وثقال

واجدادنا زحول (ن) وحن نقتديبها))





كفو انت وربعك.....

والله ونعمممممم مليوووووووووووووووووووووووووووون في أكلب



BO BO غير متواجد حالياً   رد مع اقتباس
قديم 11-27-2007, 07:51 PM   #10
 

صـوت شمران is on a distinguished road
افتراضي

صح لسانك اخوي وياهلا وغلا فيك وجمال الله حالك

وصح لسان الشاعر ضيف الله العامري على الرد

وتقبلوا فائق احترامي وتقديري



صـوت شمران غير متواجد حالياً   رد مع اقتباس

إضافة رد

مواقع النشر



أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى الردود آخر مشاركة
شيلة سلام يا شمران abo assaf منتدى الشاعر علي بن مسفر الشمراني 7 04-18-2014 02:16 PM
سلام يا شمران فارس القوم المحاورات الشعريّة 12 02-22-2013 03:11 AM
سلام يا شمران حامد آل ثاعي ديوان الشاعر عبدالله ال معيض الشمراني 18 07-13-2012 04:15 PM
سلام الله على شمران خــلــف فنيسان المحاورات الشعريّة 23 12-16-2010 12:07 AM
سلام يا عز العرب شمران كايدهم الترحيب و الضيافه 16 02-29-2008 02:38 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية