كل ماقول الظروف تزين وتروق الليالي/ للشاعر ابو سامي 🍀🌺

جزء من مشاركة منبرية ليلة البارحة ، أتمنى أن يسمح الوقت بنشرها كاملة ..

كل ماقول الظروف تزين
وتروق الليالي
ينثني حظي ويتركني على أطراف المدينه

أتهقوى وآتعزوى وآتحيزم للثقالي
والظروف تقيد أطرافي وتاخذني رهينه

المهم إني لازلت أصادم الدنيا لحالي
وآتفاخر في المواقف بالثبات وبالسكينه

وآتظاهر بالمثاليه ولو ماني مثالي
وارخي آذاني لدعوة من يقول : الله يعينه

آتبيسط كل شي : إلا ليا جا شان غالي !
وآتحمل مايضيع : إلا الوفا بيني وبينه

ودي أفقد نصف حالي ودي أخسر كل مالي
ولا يجي مني قصور ولايجي فيني غبينه
ابو سامي