كم واحـدٍ لـه غايـةٍ ما هرجهـا

الله مـن همٍ بروحي سهجــــــــهـا
بخافي ضميري في كنين الحشا لاج

أحـــر مـن نـارٍ توقـّـــــــد وهجـــــهـا
منها خطر روحي على سلك ديباج

وعينٍ عســـــــــى المولى يعجل فرجهـا
يفــــوح ناظرهـا كمـا عيــــــن هـدّاج

أسترسلت بالدمــع ممـا رهجــــــهـا
غيضٍ يكظ عبارها مثـل الأمـــــــواج

كم واحـــدٍ لـه غـــــــايـةٍ ماهرجــــــهـا
يكنها لـو هــــو للأدنيـن محــــتـاج

يخاف من عوجا طـوالٍ عوجــهـا
هرجة قفا يركض بها كـل هـــــــرّاج

يقضب عليك المخطيه من حججها
حلوٍ نباه وقلبه اسود مـن الصـاج

والله خلق دنيـاً وسـاعٍ أفجــــــــجهـا
وعن مايريب القلب لك كم منهـاج

والرجل وان شطت لياليك سجهـا
عسـى تواليهـا تبشّـــــــر بالأفـــــراج



محمد الأحمد السديري رحمه الله