منتديات قبائل شمران الرسمية


الخواطر والقصص والروايات يهتم بالخواطر والقصص والنثر التي من نزف الأعضاء

موضوع مغلق

 
أدوات الموضوع إبحث في الموضوع انواع عرض الموضوع

قديم 08-17-2008, 12:24 PM   #1
مشرف سابق
 
الصورة الرمزية القلم المبدع
 

القلم المبدع is on a distinguished road
افتراضي الولد لاطاب طيبه من خواله..

الولد وان طاب طيبه من خواله... وان تردى فعلم انهم خايبيني
أشرب الفنجال واكب البيالة... طيـبٍ واحـب سلـم الطيبينـي




السلام عليكم ورحمة الله وبركاته

من لا يعرف .. هذين البيتين .. بيتين اشهر من نار على علم ..

قد يجهل البعض قائلهما .. ولكن اكيد سمع بالبيتين من قبل ..
حتى اصبح مضرب مثل يتداوله كثير من الناس ..
قائل هذين البيتين ..
الشاعر / راشد بن حسن بن مانع بن رحيان الضاعني العجمي الملقب بـ ( ابن الذيب ) ..
وقيل انه توفي عام 1986م وهو في نجران
وكان شايل معه شخص موصله الى قرية
في نجران وحصل عليهم حادث وتوفي رحمه الله ..
راشد بن حسن .. كان يشتغل في شركة ارامكوا السعوديه .. وكان يملك سيارة الشركه (جمس ارامكوا ) ..وكان كل ما شاف له رجلي والا
طرقي علىالخط يبي احد يوصله يقوم ابن الذيب ويوصله بدون مقابل .. على سيارة الشركه ..
حتى اشتهر عند البدوان .. لا جا احد يبي يروح
مكان ولا عنده مطيه والا موتر .. يمشي في طريقه ويقول عسا يلقاني ( ابن الذيب ) على الطريق
والا انا القاه ..ويشيلني ويوديني للمكان اللي انا ابيه .. حتى قاموا الناس يطرونهويحكون فيه وهم
لايعرفونه ولا قد شافوه ..جاء يوم من الايام الا عجوز وعندها غنمشوي تعد على الاصابع .. و ( راشد بن حسن ) ..
كان مشغول ومتأخر على الدوام شوي ..
وشاف العجوز وشاف معها غنم تعداها وهملها ..
عقب حزت في خاطره واستحى وراعي الطيب
ما يجوز عن طيبه وقف الموتر ورجع للعجوز ..

يوم جاها قالها يا مره انا ابشيلك وبوديك المحل
اللي تبينه لكن بدون غنمك .. انا متأخر
على الدوام واخاف غنمك تأخرني زياده ..
قالت له العجوز .. خلاص رح الله يستر عليك يا
ولدي ..انا جالسه هنا انتظر ( ابن الذيب ) ..
هو اللي بيجيب العلم وبيوصلني المكان اللي انا
ابيه انا وغنمي .. وهي ما تعرفه .. ولا تدري
انه ( ابن الذيب ) .. هو نفسه اللي هي تكلمه ..
يوم انصدم ( راشد بن حسن ) بقولها .. وتعجب !!
قال اركبي يا خاله انا ( ابن الذيب ) وابشري
بعزك ..ابوصلك انتي وغنمك ..
وكانت انظمة ارامكو تمنع السائقين ان
يشيلو الرجليه اللي يوقفون السواقين
ويطلبونهم توصيلهم على طريقهم ..
وشلون توصيل الغنم ؟؟؟؟؟
حتى وصل علم ..
للشركه بفعل ( راشد بن حسن ) ..
وهدد بالفصل من الشركه اكثر من مره ..
وبعض رؤساءه يأسوا من المحاوله معه .. واعجبتهم شهامته ..
وصل العجوز إلى منصاها والمكان اللي تبيه ..

قال هذى القصيده .

قالها ابن الذيب من هاجـوس بالـه
كلمةٍ يلعـب بهـا والبـال زينـي

قالهـا يومـه طرالـه ماطـرالـه
من هواجيسٍ تشيـب المرضعينـي

حالفٍ ماخذ على الطرقـي ريالـه
وبالثـلاث محـرم أنـه مايجينـي

لالقيت اللي على ( السكـه ) لحالـه
يلتفـت ويقـول ويـن المستحينـي

أوقف الموتر حيـا وأبـي الجمالـه
يوم ولد الـلاش وجهـه مايلينـي

الطمع في كـروة الرجلـي رذالـة
.خص وان جابه مجـال الغانمينـي

والردي في حالـةٍ ماهـي بحالـه
واعوينـه مـن كـلام الطيبيـنـي

الردي لـو بـان مايذكـر عمالـه
مايعد الـلاش مقصـور اليمينـي

أركبه لعيـون مـن زيـنٍ دلالـه
ماتحاكـوا فـي قفـاه الرامسينـي

مابغى غيري وانـا مابغـى بدالـه
.قاعدٍ لـي بالرجـا مـدة سنينـي

الولد وان طاب طيبه من خوالـه
بالخـوال يسـال قبـل الوالدينـي

أشـرب الفنجـال واكـب البيالـة
تابـعٍ سلمـي سلـوم الأوليـنـي

ولاقعدنـا بالعمـل بنـا الرزالـة
.ناخـذ العليـا طريـق الفايزينـي

غرني بعض الرجال بكثـر مالـه
مادرى ان الموت في حبل الوتينـي

كيف ينفعني وابا(..........) خالـه
مايقوم البيـت دام السـاس طينـي

ماش وين اللـي عوايـده الجمالـة
.مثل ابن ظافر حمد ليتـه يجينـي

الثنـا والجـود دايـم فـي خيالـه
علمـه ظافـر سلـوم الطيبيـنـي

جـوّد العليـا ولزمّـهـا عيـالـه
وادركوا من علمتـه دنيـا ودينـي

واهني من باع حظه واشتـرى لـه
وسار في درب النبي وأخزى اللعيني

موقفـه ماكـل رجــال ينـالـه
من بغـى ممشـاه يقعـد مرتينـي

كم ذبح من حايلٍ مـن حـر مالـه
وعادته لطمـة خشـوم العايلينـي




و البيتين اللي بأول الموضوع يقال انهم محرفين.. والبيتين الصحيحين كما ذكروا فالقصيده ..

وللمعلومية::الشاعر راشد بن الذيب هو والد الشاعر المعروف حاليأ

طبعا منقول يا جماااعه



القلم المبدع غير متواجد حالياً  
قديم 08-17-2008, 02:04 PM   #2
 

ولد العامري is on a distinguished road
افتراضي

تسلم يالقلم المبدع
اسم على مسمى مافيك حيله
نقل جميل وهذه العباره نسمع عنها ولانعرفها
مشكووووووووووووووووووووووووور



ولد العامري غير متواجد حالياً  
قديم 08-17-2008, 03:39 PM   #3
 
الصورة الرمزية المطاعي
 

المطاعي is on a distinguished road
افتراضي

القلم المبدع :
ماشاء الله عليك كررت الموضوع بحذافيره كيف يسمح بهذا ؟؟؟؟؟؟؟؟؟؟؟؟؟؟؟؟؟؟؟؟؟؟
هنيئاً مريئاً 0 :51::51::51:



المطاعي غير متواجد حالياً  
قديم 08-17-2008, 03:58 PM   #4
عضو مؤسس
 

بلقاسم الشمراني is on a distinguished road
افتراضي

وعليكم السلام ورحمهـ الله وبركاتهـ

يعطيكـ العافيهـ أخي القلم المبدع

ولكن الموضوع مكرر هنا


لذا اعتذر منكـ سيغلق الموضوع

تحياتي واحترامي



بلقاسم الشمراني غير متواجد حالياً  
قديم 08-17-2008, 04:01 PM   #5
مشرف سابق
 
الصورة الرمزية القلم المبدع
 

القلم المبدع is on a distinguished road
افتراضي

اقتباس:
المشاركة الأصلية كتبت بواسطة المطاعي مشاهدة المشاركة
القلم المبدع :

ماشاء الله عليك كررت الموضوع بحذافيره كيف يسمح بهذا ؟؟؟؟؟؟؟؟؟؟؟؟؟؟؟؟؟؟؟؟؟؟

هنيئاً مريئاً 0 :51::51::51:
هههههههههههههههه
ولايهمك اخوي المطاعي
اسفين يالغالي على المكرر
اجيب لك قصه اجمل
بس لاتزعل



القلم المبدع غير متواجد حالياً  

موضوع مغلق

مواقع النشر



أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى الردود آخر مشاركة
درجة البكالوريوس من جامعة طيبه للاستاذ : محمد عبدالله بن كريش الشمراني نسيم الليل أخـبار قبائل شمران 1 05-20-2020 05:34 AM
من أين يأتي الولد الصالح الحمدان المنتدى العام 6 09-19-2019 08:45 PM
الولد وان طاب طيبه من خواله الحمدان المنقولات الأدبية 9 06-21-2017 12:28 PM
مجالسي الولد والخادمه صوت المنتدى الخطوه و المسحباني واللعب والقلطه 5 11-02-2008 08:20 AM
الصبي وان طاب طيبه من خواله 0000 المطاعي الخواطر والقصص والروايات 6 08-05-2008 12:32 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية